Biznesmeni shkodran që porositi vrasjen e gruas: Thesarin tim ma vranë, fëmijët m'i mori shteti

Biznesmeni shkodran që porositi vrasjen e gruas: Thesarin tim ma vranë, fëmijët m'i mori shteti

12:43, 21/09/2018

Sadetin Sula, i cili është dënuar me burg përjetë për urdhërimin e vrasjes së gruas së tij, ka thyer heshtjen ndërsa mohon krimin.

Në një lidhje telefonike live nga burgu 313 për emisionin “Me zemër të hapur’ në ‘News24’ ai tha se nuk fshihej pas vrasjes së gruas, Suelës, të cilën e cilësoi si shpirt dhe frymëzim të tij. Teksa drejtoi gishtin e akuzës nga familjarët e gruas së tij, ai tha se pasi e dënuan padrejtësisht, shteti i mori edhe fëmijët.

39-vjeçarja Suela Sula u gjend e pajete ne 18 prill 2016 në ambientin e tualetit te mobilerise në Shkodër qe ajo kishte se bashku me bashkeshortin e saj.

Intervista me Sadetin Sulën:

Kush është e vërteta?

Faleminderit për emisionit. Dua që të sensibilizojë popullin shqiptar. Vinë në biznes dhe vrasin gruan time. Fëmijët e mi s'e di ku ndodhen. Mua më mbajnë në paraburgim dhe më japin burgim të përjetshëm. Kjo që më ndodhi mua mund t’i ndodh çdokujt si popull i thjesht.

Si e keni mësuar ju ngjarjen. Ishit i pari që e gjetët të pajetë grua. Siç ishin marrëdhëniet?

Marrëdhëniet kanë qenë jo të mira, por shumë të mira. Të mrekullueshëm. Kemi pasur një marrëdhënie të mirë në çdo aspekt. Këtë e tregon dhe biznesi unë. Suela ka qenë thesari im. Më ka lënë tre fëmijë. Më nxiste.

Fëmijët u morën në pyetje dhe thanë se kishit probleme. 

Fëmijët që në momentin e tragjedisë i kanë manipuluar. Kanë folur ç'kanë dashur njerëzit e nuses time. S'i kanë lënë që të flasin me mua në asnjë moment.

Kush i ka në kujdestari?

I ka kunata. Nuk e di se ku janë. Ku janë, apo nëse jetojnë. Po bëj 1 vit. Unë nuk di gjë se ku janë. M'i ka marrë Prokuroria e Krimeve të Rënda. Më vranë nusen, fëmijët m'i mori shteti.

Kush e vrau?

Ta dija kush e ka vrarë, sdo isha në burg.

Ç' lidhje ke pasur me ekzekutorin?
Ekzekutorin se di nëse është ai apo nuk është. Kur kanë manipuluar me mua, mund ta kenë bërë edhe me të.

Mendoni se mund të ketë edhe një tjetër ekzekutor?
Se di ça ka zbardhur organi hetimit.

Viktima është përleshur me personin që ju pretendohet se keni bashkëpunuar. Ka disa përgjime…
S’kam bashkëpunuar me asnjë. Asnjë nga autopërgjim nuk është i vërtetë. Se di nga i kanë nxjerr. Nga i kanë marrë.

Si ishte marrëdheia juaj me njerëzit e gruas?
Shumë të mira. Kemi qenë një natë më parë në darkë me kunatat dhe baxhakanët. Me pas një marrëdhënie të keqe, s’do kishim pasur darka. Ata kanë bërë supozime.

Sa kohe keni qëndruar atë ditë me gruan?
Ca kanë thënë ata janë të vërteta. Ne kemi qëndruar me bashkëshorten 24 orë në 24. Të gjithë njerëzit e gruas, ajo është kryesorja që pretendojnë është pasuria, vetëm pasuria iu intereson, fëmijët e mi nuk iu interesojnë aspak. Asnjë akullore nuk iu kanë blerë.

A je marrë në pyetje nga ndonjë psikolog?
Jo, absolutisht. Por unë i kam thënë hajde se është pa ndjenja.

Sa orë keni qëndruar?
Nuk kam qëndruar me orë, por kanë qenë thjesht minuta.

Si ke vajtur në vendin e ngjarjes në mobilieri?
Kisha për të bërë një pagesë 450 lekë të reja, sepse mund të pësoja gjobë, prandaj kisha shkuar në Shkodër.

Cili është apeli që do t'iu bëje fëmijëve?
Nuk e dini se në çfarë shoku psikologjik është një person i pafajshëm. Të hapin sytë dhe veshët, të mësojnë të vërtetën, mos të nisen vetëm nga fjalët e atyre. Normale se do të vijnë të më takojë, sepse ende nuk është marrë vendimi im në Shkallë të Parë.

© SYRI.net

Lexo edhe:

Komentet

Shto koment