Mesfushori i Anglisë, Jude Bellingham, ka pranuar se rrugëtimi drejt gjysmëfinales së Kupës së Botës 2026 ka tejkaluar edhe pritshmëritë e tij më optimiste.

Ylli anglez, një nga protagonistët kryesorë të "Tre Luanëve" në këtë turne, u shpreh krenar për kontributin e tij, por mbi të gjitha për karakterin që skuadra ka treguar në momentet më të vështira.

"Kjo është ndoshta përtej ëndrrave të mia më të mëdha. Jam një njeri me vetëbesim, por nuk mendoj se dikush shkon të flejë duke ëndërruar ndeshje të tilla", deklaroi Bellingham.

Mesfushori theksoi se ndihet i lumtur sa herë arrin të ndikojë në lojën e ekipit, por vlerësoi edhe shpirtin luftarak të bashkëlojtarëve.

"Është bukur të kem ndikim dhe ta ndihmoj ekipin tim, por jam shumë krenar për mënyrën se si djemtë vazhdojnë të luftojnë, pavarësisht situatës në të cilën ndodhemi", u shpreh ai.

Anglia do të sfidojë sot në orën 21:00 Argjentinën në gjysmëfinalen e Kupës së Botës, me Bellingham që pritet të jetë sërish një nga lojtarët kyç në përpjekjen e anglezëve për të siguruar një vend në finalen e madhe.