Mbyllet grupi i parë i Botërorit, ja projeksioni i 1/16-ve të finales

Është mbyllur zyrtarisht grupi i parë i fazës së grupeve në Botërorin 2026, ndërsa edhe 11 grupe të tjera mbeten ende për t’u kompletuar. Megjithatë, tabloja e parë e fazës së 1/16-ve të finales ka nisur të formësohet, me disa përballje të mëdha që tashmë parashikohen në bazë të rezultateve aktuale.

Deri tani, kualifikimin e kanë siguruar Meksika, Shtetet e Bashkuara të Amerikës, Gjermania, Franca, Norvegjia, Argjentina, Kolumbia, Zvicra dhe Kanadaja. Edhe 23 vende të tjera mbeten ende në garë për të plotësuar tablonë e fazës eliminatore.

Sipas projeksionit aktual, duelet e mundshme të 1/16-ve të finales janë mjaft interesante dhe sjellin përballje të forta që në fillim të fazës nokaut:

• Gjermani – Paraguaj
• Francë – Suedi
• Kore e Jugut – Kanada
• Holandë – Marok
• Portugali – Gana
• Spanjë – Austri
• SHBA – Bosnjë Hercegovinë
• Egjipt – Kepi i Gjelbër
• Brazil – Japoni
• Bregu i Fildishtë – Norvegji
• Meksikë – Skoci
• Angli – Algjeri
• Argjentinë – Uruguaj
• Australi – Iran
• Zvicër – Belgjikë
• Kolumbi – Kroaci
• Këto janë vetëm projeksione të bazuara në renditjen aktuale, pasi çdo ndeshje e mbetur në grupet e tjera mund të ndryshojë ndjeshëm skemën e fazës eliminatore. Me 90 minutat e fundit të grupeve ende për t’u luajtur, Botërori mbetet plotësisht i hapur dhe surprizat janë ende shumë të mundshme.