Poloni - Anëtarët e shefit të shtabit të Hitlerit bënë një tentativë të pasuksesshme për të shpëtuar  jetën e tij në "Strofkën e Ujkut" më 20 korrik 1944.

Prokurorët polakë e kanë mbyllur hetimin mbi skeletet njerëzore të gjetura në një vend ku diktatori gjerman Adolf Hitler dhe udhëheqës të tjerë nazistë kaluan ca kohë gjatë Luftës së Dytë Botërore, sepse kalbja e tyre e avancuar e bëri të pamundur përcaktimin e shkakut të vdekjes, tha një zëdhënës të hënën.

Eshtrat u gjetën më 24 shkurt në “Strofkën e Ujkut”, e cila shërbeu si selia kryesore e Hitlerit nga 1941 deri në 1944 kur zona ishte pjesë e Gjermanisë.

I fshehur në pyje të thella, kompleksi me rreth 200 bunkerë nazistë dhe kazerma ushtarake ishte vendi i atentatit të dështuar ndaj Hitlerit nga koloneli Claus Stauffenberg më 20 korrik 1944. Vendi është tani i hapur për turistët.

"Së paku katër persona"

Zëdhënësi i zyrës së prokurorit në qytetin aty pranë Ketrzyn, Daniel Brodoëski, tha se oficerët e policisë i siguruan mbetjet pasi ato u gjetën nga një grup vendor, Latebra, i cili kërkon nëpër objekte historike.

Një ekspert mjeko-ligjor i ka ekzaminuar nën mbikëqyrjen e prokurorisë, e cila po përpiqej të përcaktonte nëse kishte ndodhur vrasja nga pakujdesia. Brodoëski tha në një deklaratë se hetimi u ndërpre në fund të marsit për shkak të mungesës së provave se ishte kryer ndonjë krim.

"Eksperti deklaroi se mbetjet e eshtrave të ruajtura ishin me origjinë njerëzore dhe vinin nga të paktën katër persona, tre prej të cilëve me shumë gjasa ishin burra të moshës mesatare dhe i katërti ishte një fëmijë disa vjeç, seksi i të cilit nuk mund të përcaktohet," ka shkruar Brodoëski.

Por për shkak të kalbjes së avancuar të mbetjeve, nuk ishte më e mundur të përcaktohej shkaku i vdekjes, tha ai, duke vënë në dukje se kishin kaluar të paktën disa dhjetëra vjet.

Hetimi nuk zbuloi se kush mund të ishin personat, për shkak të gjendjes së eshtrave dhe kohës që ka kaluar.