Gjykata Ndërkombëtare e Drejtësisë (GJND) ka urdhëruar Izraelin të parandalonte aktet e gjenocidit kundër palestinezëve, por jo edhe të ndalë luftën në Rripin e Gazës.

Ndaj këtij urdhri ka reaguar Autoriteti Palestinez, i cili ka thënë se vendimi i një gjykate të lartë të OKB-së se Izraeli duhet të bëjë gjithçka që mundet për të parandaluar çdo akt gjenocidi në Gaza tregon se “asnjë shtet nuk është mbi ligjin”.

“Urdhri i GJND-së është një kujtesë e rëndësishme se asnjë shtet nuk është mbi ligjin”, tha ministri i Jashtëm i Autoritetit Palestinez, Riyad al-Maliki.

Ai ka shtuar se vendimi “duhet të shërbejë si një thirrje zgjimi për Izraelin dhe akterët që mundësojnë pandëshkueshmërinë e rrënjosur”.

Theksojmë se GJND-ja me këtë vendim nuk urdhëroi në mënyrë eksplicite një armëpushim në Gaza.

Ajo urdhëroi Izraelin të marrë masa për të parandaluar dhe ndëshkuar nxitjen e drejtpërdrejtë të gjenocidit në Gaza.

Gjithashtu urdhëroi gjithashtu një përmirësim të situatës humanitare.

1. Izraeli duhet të marrë të gjitha masat për të parandaluar çdo akt që mund të konsiderohet gjenocid – vrasja e anëtarëve të një grupi, shkaktimi i lëndimeve trupore, shkaktimi i kushteve të krijuara për të shkaktuar shkatërrimin e një grupi, parandalimi i lindjeve.

2. Izraeli duhet të sigurojë që ushtria të mos kryejë akte gjenocidale;

3. Izraeli duhet të parandalojë dhe ndëshkojë çdo koment publik që mund të konsiderohet si nxitje për të kryer gjenocid në Gaza;

4. Izraeli duhet të marrë masa për të siguruar ndihmat humanitare;

5. Izraeli duhet të parandalojë çdo shkatërrim të provave që mund të përdoren në një rast gjenocidi;

6. Izraeli duhet të paraqesë një raport në gjykatë brenda një muaji nga dhënia e këtij urdhri.