Nicholas Rossi është një shtetas amerikan, i akuzuar për përdhunim, i cili organizoi vdekjen e tij të rreme për t’u fshehur në Skoci. Por kur në vitin 2021 u detyrua të paraqitej në spital për shkak se duhej të trajtohej nga Covid-19, u zbulua identiteti i tij i vërtetë.

I njohur në Skoci si një jetim me emrin Arthur Knight, tanimë ai do të ekstradohet në SHBA për t’u përballur me drejtësinë.

36-vjeçari Rossi kërkohet në shtetin e Utah në lidhje me pretendimet për përdhunim. Ai humbi apelin e tij përfundimtar kundër kthimit nga Skocia në atdheun e tij më 14 dhjetor. Sekretarja e Drejtësisë e Skocisë, Angela Constance, nënshkroi një urdhër për miratimin e vendimit në shtator. Rossi, i njohur gjithashtu në SHBA si Nicholas Alahverdian, u largua me një fluturim privat nga Aeroporti i Edinburgut ditën e sotme.

Nicholas Rossi u shpall fajtor për imponim seksual dhe paturpësi publike ndërsa ishte student në Kolegjin Sinclair në Dayton, Ohio, në vitin 2008. Ai dyshohet se ka sulmuar një ish-të dashurën e tij, duke e shtyrë atë në një divan dhe duke e detyruar atë të bënte seks, duke injoruar lutjet e saj për të ndaluar. Rossi kishte këmbëngulur se ai ishte viktimë e identitetit të gabuar, pasi oficerët e ndaluan atë në Spitalin Universitar “Queen Elizabeth”.

Gjykata e Sherifit në Edinburgut vëzhgoi tatuazhet dhe vuri re se shenjat e gishtave të tij përputheshin me ato të Rossit, ndaj Sherifi Norman McFadyen doli në përfundimin se ai ishte me të vërtetë i arratisuri në nëntor të vitit të kaluar.

Rossi pretendoi se i ishin bërë tatuazhet si pjesë e një përpjekjeje për ta kornizuar ndërsa ai ishte i shtrirë pa ndjenja në spital.

Mediat e huaja shkruajnë se Nicholas Rossi ishte i përfshirë në politikën lokale në shtetin e tij të lindjes, Rhode Island. Në dhjetor 2019 ai u tha mediave atje se kishte limfomë jo-Hodgkin në fazën e vonë dhe kishte vetëm disa javë për të jetuar.

Në mediat lokale u raportua se ai kishte vdekur në shkurt 2020. Sidoqoftë, më pak se dy vjet më vonë, Rossi, i cili ishte subjekt i një njoftimi në kërkim të Interpolit, u shfaq në një repart spitalor në Glasgow gjatë pandemisë.