Kampionit kinez të shahut i është hequr çmimi, pasi ka jashtëqitur në vaskën e hotelit dhe dyshohet se ka përdorur rruaza anale për të mashtruar gjatë ndeshjeve.

Dale, se nuk po e shpikim ...

Bota e shahut kinez (Xiangqi) është futur në trazira nga thashethemet për hile dhe sjellje të këqija që bënë që kampionit kombëtar t'i hiqej titulli.

48-vjeçari Yan Chenglong mundi dhjetëra konkurentë javën e kaluar për të fituar çmimim kombëtar të "Mbretit Xiangqi". Megjithatë, fitorja nuk zgjati pasi festa përfundoi me jashtëqitjen e tij në një vaskë.

Kjo është një mënyrë për të festuar.

Shoqata Kineze Xiangqi (CXA) njoftoi se do t'i hiqej titulli dhe do t'i konfiskoheshin paratë e çmimit pasi ai ishte kapur "duke prishur rendin publik" dhe duke treguar një "karakter jashtëzakonisht të keq".

Ai gjithashtu u ndalua të luante për një vit.

“Yan ka pirë alkool me të tjerët në dhomën e tij natën e datës 17 dhe më pas ka jashtëqitur në vaskën e dhomës ku po qëndronte më datë 18, në një veprim që dëmtoi pronën e hotelit, cenoi rendin publik dhe moralin e mirë, që pati një ndikim negativ në konkursin e Xiangqi dhe ishte me karakter jashtëzakonisht të keq”, thuhet në një deklaratë të shoqatës.

Shoqata u detyrua gjithashtu të shpjegonte thashethemet që qarkullonin në internet se Yan kishte mashtruar gjatë konkursit duke përdorur rruaza anale të pajisura me transmetues ëireless për të dërguar dhe marrë sinjale.

Sipas raporteve që qarkullojnë në faqen sociale kineze Ëeibo, Yan dyshohet se e shtrëngonte dhe e lironte në mënyrë ritmike për të komunikuar informacione në lidhje me tabelën e shahut përmes kodit në një kompjuter, i cili më pas dërgoi udhëzime se çfarë lëvizjesh duhet të bënte në formën e dridhjeve.

“Bazuar në të kuptuarit tonë të situatës, aktualisht është e pamundur të vërtetohet se Yan është përfshirë në hilera me "rruazat anale siç spekulohet në mediat sociale", tha CXA.

Siç mund ta mbani mend, kjo nuk është hera e parë që në botën e shahut flitet për stimulimin anal

Vitin e kaluar, Hans Niemann u akuzua se kishte përdorur rruaza anale gjatë një turneu për të mposhtur kampionin e botës, Magnus Carlsen, i cili më pas lëshoi një deklaratë duke e denoncuar plotësisht kundërshtarin e tij si mashtrues.

Përfundimisht, Niemann  i dha përgjigje akuzave për mashtrim, duke pranuar se kishte mashtruar gjatë turneve virtuale Chess.com por kur ishte i ri. Megjithatë, tha Niemann, ai kurrë nuk e mashtroi IRL.

“Unë kurrë nuk kam mashtruar në një lojë jashtë tryeze. Nëse ata duan që unë të zhvishem plotësisht lakuriq, do ta bëj atë,” ofroi Niemann. “Nuk më intereson. Sepse e di që jam i pastër. Në dëshironi që unë të luaj në një kuti të mbyllur me transmetim elektronik zero, nuk më intereson.”

Niemann e hodhi në gjyq Carlsen për shpifje dhe këtë vit, palët negociuan një marrëveshje privatisht.

Kush e dinte se shahu mund të ishte kaq rock 'n' roll dhe të sillte dhimbje edhe ligjore, edhe në prapanicë?!/ar.sh/SYRI.NET