Një  spanjoll nga qyteti Malaga u arrestua së fundmi pasi thuhet se kishte mbajtur nën kërcënimin e armës një hidraulik, pasi ai i kërkoi shumë para për të rregulluar një tub uji të prishur.

Më 4 nëntor, kur hidrauliku i paidentifikuar mori një telefonatë nga një burrë që kërkonte ndihmë për një tub uji të prishur në shtëpinë e tij, ai kurrë nuk e imagjinonte se do të përfundonte peng i klientit të mundshëm.

Pasi arriti në shtëpinë e burrit dhe pa problemin që duhej rregulluar, hidrauliku i dha atij një çmim për punën, gjë që e bëri burrin të zemërohej.

Me sa duket, ai e gjeti koston e atij riparimi aq të lartë saqë nxori një armë dhe kërcënoi se do ta vriste hidraulikun.

Fqinjët e burrit thirrën policinë pasi dëgjuan disa zhurma si bum nga dritaret e shtëpisë, por kur oficerët mbërritën, sulmuesi refuzoi ta lironte të burgosurin e tij, duke kërcënuar se do të hidhte në erë një cilindër me gaz nëse ndonjë do të guxonte të kalonte pragun.

Sipas Malaga Hoy, në një moment, burri i armatosur u shfaq në dritaren e banesës së tij me pengun e tij, gjë që i dha mundësinë policisë të vëzhgonte armën e tij të zjarrit dhe të përcaktonte se ajo nuk ishte asgjë më shumë se një imitim.

E pajisur me këtë njohuri dhe pasi kishte evakuuar të gjithë ndërtesën për të shmangur një tragjedi edhe më të madhe në rast se ai do ta shpërthente vërtet cilindrin e butanit, policia filloi negociatat me njeriun e armatosur.

Pas negociatave të dyta, policia arriti të bindte njeriun e armatosur që të hapte pak derën e hyrjes, në mënyrë që të konfirmonte se pengu i tij, hidrauliku, ishte mirë. Kur dera u hap, forcat speciale hynë brenda, duke pushtuar burrin dhe duke shpëtuar viktimën.

Hidrauliku më vonë konfirmoi se burri filloi të ishte agresiv pasi dëgjoi çmimin e tij për rregullimin e tubit të ujit që rrjedh. Nuk dihet se sa i kishte kërkuar…

Burri i tërbuar aktualisht ndodhet në paraburgim nga policia dhe me siguri do të kalojë kohë pas hekurave./ar.sh/SYRI.NET