Ministri i Jashtëm japonez Yoshimasa Hayashi vizitoi sot Ukrainën, tha ambasada japoneze në Kiev.

“Ministri i Jashtëm japonez Yoshimasa Hayashi ka mbërritur në Ukrainë,” tha ambasada në Facebook, duke postuar një video që tregon diplomatin në stacionin e trenit të Kievit.

Ministria e Jashtme japoneze tha se Hayashi do të diskutojë përpjekjet për rimëkëmbjen dhe rindërtimin e Ukrainës me homologun e tij Dmytro Kuleba. Ministri japonez shoqërohet nga përfaqësues të kompanive japoneze, vuri në dukje i njëjti burim.

Tokio ka ndjekur vendet perëndimore në vendosjen e sanksioneve ndaj Moskës për pushtimin e Ukrainës, ndërkohë që i ofron Kievit ndihmë ekonomike dhe humanitare. Gjithashtu ndërmori hapin e rrallë të dërgimit të pajisjeve mbrojtëse në Ukrainë dhe strehimit të atyre që ikin nga konflikti.

Megjithatë, Japonia nuk i ka ofruar mbështetje ushtarake Ukrainës, pasi nuk i lejohet sipas Kushtetutës së saj.