Shërbimi Gjeologjik i SHBA njoftoi se tërmeti kishte një magnitudë paraprake prej 6.8 ballë kur goditi të premten mbrëma, me lëkundje që zgjatën disa sekonda.

Një tërmet i rrallë dhe i fuqishëm goditi Marokun mbrëmjen e së premtes, duke vrarë qindra njerëz dhe duke dëmtuar ndërtesa nga fshatrat në malet e Atlasit deri në qytetin historik të Marakeshit.

Burra, gra dhe fëmijë dolën dhe qëndruan në rrugë, nga frika e pasgoditjeve.

Ministria e Brendshme e Marokut tha të shtunën herët se të paktën 296 njerëz kishin vdekur në provincat pranë tërmetit.

Gjithashtu, 153 persona të plagosur janë dërguar në spital për kurim. Ministria shkroi se shumica e dëmeve ndodhën jashtë qyteteve dhe qytezave.

Marokenët postuan video që tregonin ndërtesa të kthyera në rrënoja dhe pluhur, dhe pjesë të dëmtuara të mureve të kuqe të famshme që rrethojnë qytetin e vjetër në Marakeshit, një vend i Trashëgimisë Botërore të UNESCO-s.

Kryebashkiaku i një qyteti pranë epiqendrës së tërmetit i tha faqes marokene të lajmeve 2M se disa shtëpi në qytetet afër ishin shembur pjesërisht ose tërësisht dhe në disa vende u ndërprenë energjia elektrike dhe komunikimi me rrugë.

Moment when a building collapses after the powerful earthquake in Morocco: pic.twitter.com/uZl7keousM

— Spectral News (@spectral_news) September 8, 2023