Hungaria ka rënë dakord të heqë veton dhe të lejojë dërgimin e 18 miliardë eurove të ndihmës së BE-së për Ukrainën.
Komisioni Evropian muajin e kaluar rekomandoi që 7.5 miliardë euro të fondeve të BE-së për Budapestin duhet të bllokoheshin, sepse reformat për të forcuar sundimin e ligjit në Hungari dështuan.
Por ambasadorët e BE-së ranë dakord ta ulin shumën e bllokuar në 6.3 miliardë euro dhe miratuan 5.8 miliardë euro financim për rimëkëmbjen pas COVID-19.
Në këmbim, Bupadest hoqi kundërshtinë e tij në dy vendime kryesore që kërkonin unanimitet midis vendeve të BE: 18 miliardë euro ndihmë për Ukrainën dhe një taksë globale të korporatave.
"Mega-marrëveshje! Ambasadorët e BE-së miratuan në parim një paketë prej 18 miliardë eurosh në mbështetje për Ukrainën, 15% taksë minimale për korporatat e mëdha, miratimin e Palnit të Rimëkëmbjes së Hungarisë dhe një marrëveshje për kushtëzimin", tha Presidenca Çeke e Këshillit Evropian në Tëitter.
Budapestit megjithatë do t'i duhet ende të plotësojë 27 "super piketa" të përcaktuara nga Komisioni Evropian në mënyrë që të marrë fondet nën mekanizmin e kushtëzimit dhe të Planit të Rimëkëmbjes.
Këto përfshijnë reformat për të forcuar pavarësinë e gjyqësorit, rregulla të reja për auditimin dhe raportimin mbi fondet e BE-së, krijimin e organeve të reja të pavarura kundër korrupsionit dhe rregulla më të forta për të goditur konfliktet e interesit.
Një zyrtar i lartë i BE-së tha muajin e kaluar se priste që Budapesti t'i arrinte këto piketa përpara fundit të tremujorit të parë.
© SYRI.net