Presidenti amerikan Joe Biden dhe homologu i tij ukrainas Volodymyr Zelensky kanë biseduar të dielën (2 janar) mes frikës në rritje se një ngritje ushtarake ruse pranë kufirit me fqinjin e saj properëndimor paralajmëron një pushtim. 

Shfaqja e mbështetjes së SHBA për Ukrainën vjen disa ditë pasi Biden paralajmëroi presidentin rus Vladimir Putin për pasoja të rënda nëse Moska pushton vendin ish-sovjetik në një telefonatë të veçantë në fillim të javës së kaluar.

“Presidenti Biden e bëri të qartë se Shtetet e Bashkuara dhe aleatët dhe partnerët e tyre do të përgjigjen me vendosmëri nëse Rusia pushton më tej Ukrainën”, tha sekretarja e shtypit e Shtëpisë së Bardhë Jen Psaki në një deklaratë pas bisedimeve mes dy Presidentëve.

Ajo shtoi se Biden dhe Zelensky shprehën mbështetje për përpjekjet e vazhdueshme midis Rusisë dhe SHBA-së dhe aleatëve të saj për të gjetur një zgjidhje diplomatike. 

“Presidenti Biden nënvizoi përkushtimin e Shteteve të Bashkuara dhe aleatëve dhe partnerëve të saj ndaj parimit të “asgjë për ty pa ty”. Ai ripohoi angazhimin e Shteteve të Bashkuara për sovranitetin dhe integritetin territorial të Ukrainës”, tha Psaki.

Ndërsa prsidenti i Ukrainës Zelenskys shkroi në një postim në Twitter të dielën në mbrëmje se telefonata me Biden nënvizoi "natyrën e veçantë të marrëdhënieve tona".

 Ai shtoi se “U diskutuan veprimet e përbashkëta të Ukrainës, Shteteve të Bashkuara dhe partnerëve për ruajtjen e paqes në Evropë, parandalimin e përshkallëzimit të mëtejshëm, reformat, deoligarkizimin”.

Ukraina, shtoi Zelensky, "vlerëson mbështetjen e palëkundur".

Rreth 100,000 trupa ruse kanë mbetur të grumbulluara në kufirin ukrainas, pavarësisht paralajmërimeve nga Biden dhe liderët evropianë për pasoja të rënda nëse Putini vazhdon me një pushtim. 

Dhe zbulimet e inteligjencës amerikane kanë vlerësuar se Rusia mund të fillojë një ofensivë ushtarake në Ukrainë "që në fillim të vitit 2022".

 Biden, megjithatë, ka sinjalizuar se SHBA nuk do të bëjë asnjë lëshim as për NATO-n dhe as për të ardhmen e Ukrainës.

"Ne ia kemi bërë të qartë Presidentit Putin se nëse ai bën më shumë lëvizje, shkon në Ukrainë, ne do të kemi sanksione të rënda. Ne do të rrisim praninë tonë në Evropë me aleatët tanë të NATO-s dhe do të jetë vetëm një çmim i rëndë për të paguar atë”, është shprehur Biden pas një drekë të Vitit të Ri në Wilmington, Delaware.

Biden tha se Putini ka rënë dakord për tre konferenca të ardhshme në Evropë, duke përfshirë bisedimet diplomatike SHBA-Rusi të udhëhequra nga zëvendëssekretarja amerikane e shtetit Wendy Sherman më 10 janar në Gjenevë dhe bisedimet Rusi-NATO më 12 janar.