Me pushtimin e vendit nga ana e Talebanëve , jo vetëm gratë, vajzat dhe zyrtarët që punuan për vendet e huaja në vend, por edhe zbulimet arkeologjike të Afganistanit që pasqyrojnë kulturën nga e kaluara ishin në rrezik.

Thesari Bactrian , i cili tregohet si një nga më të rëndësishmit nga këto, gjithashtu është i rrezikuar.

 Ky thesar 2000-vjeçar, i përbërë nga më shumë se 20 mijë copë ari, tashmë është bërë objektivi i talebanëve. 

Sipas raporteve nga vendi, talebanët kanë filluar ta kërkojnë këtë thesar kudo.

Ky thesar, u zbulua gjatë gërmimeve në një vend arkeologjik në provincën Jowzjan, pranë Sheberghan në Afganistanin verior, nga një ekip sovjeto-afgan i udhëhequr nga arkeologu greko-rus Viktor Sarianidi në 1978, një vit para pushtimit sovjetik të Afganistan.

Para talebanëve, Ministria Afgane e Kulturës kishte ekspozuar thesarin e paçmuar të lashtë Bactrian, të përbërë nga 21,145 copë ari të pastër, në Pallatin Presidencial Afgan, në një konferencë shtypi në shkurt.

Duke vënë në dukje se thesari vlen miliarda dollarë për shkak të së kaluarës së tij, ministria gjithashtu deklaroi se së shpejti do të dërgohet jashtë vendit për t'u ekspozuar. 

Koleksioni i arit Bactria është ekspozuar në 29 muze në 13 vende gjatë 13 viteve të fundit dhe ka gjeneruar mbi 4.5 milionë dollarë të ardhura për Afganistanin.

Megjithatë, talebanët deklaruan se marrja e këtij thesari jashtë vendit do të konsiderohej krim i tradhtisë.

Shumë historianë kanë frikë se talebanët do të gjejnë dhe do ta shkatërrojnë këtë thesar dhe zbulime të tjera të ngjashme arkeologjike dhe do të përpiqen të fshijnë të kaluarën e Afganistanit.

 Një tjetër monument historik që frikësohet të shkatërrohet nga talebanët është Mes Aynak, një qytet budist 1,600-vjeçar.

 Qyteti, i vendosur në Rrugën legjendare të Mëndafshit, është një vend me kuptime shumë të rëndësishme historike, ku ka edhe rrugë tregtare dhe tempuj. 

Tempuj të shumtë budistë dhe objekte të ndryshme budiste janë varrosur këtu.