Kryeministrja britanike, Theresa May i dhuroi homologut të saj polak, Mateusz Morawiecki një palë raketa ping-pongu gjatë samitit të Poznanit. “Fatmirësisht, politika ndërkombëtare nuk është ping-pong”, shkruajti në Twitter Morawiecki.
“Ajo është bashkëpunim dhe përkujdesje për marrëdhënie të mira. Unë falënderova kryeministren May për dhuratën e këndshme gjatë takimit tonë në Poznan”, shton ai, sipas ATSH.
Një samit triditor i gjashtë vendeve të Ballkanit Perëndimor, që marrin pjesë në Procesin e Berlinit u zhvillua në datat 3-5 korrik në qytetin polak të Poznanit.
Procesi i Berlinit është një iniciativë gjermane për nxitjen e zgjerimit të Bashkimit Europian drejt Ballkanit Perëndimor, ku bëjnë pjesë Shqipëria, Bosnjë-Hercegovina, Mali i Zi, Kosova, Maqedonia e Veriut dhe Serbia.
Kjo nismë përfshin tetë vende të BE-së, Gjermaninë, Francën, Italinë, Austrinë, Slloveninë, Kroacinë dhe Britaninë e Madhe. Polonia iu bashkua këtij grupimi vitin e kaluar.
© SYRI.net