Ekspertët e Sri Lankës thonë se një varr masiv i gjetur më parë këtë vit në qytetin verilindor të Mannar është kthyer në zbulimin më të madh të vendit.

Më shumë se 230 skelete tani janë gjetur në varrin e ish-zonës së luftës, nga ku ishin zbuluar  rreth 90 në muajin gusht.

Grupet e të drejtave të njeriut thonë se të paktën 20,000 njerëz u zhdukën gjatë luftës së gjatë civile të Sri Lankës që përfundoi në 2009.

Lufta 26-vjeçare midis trupave dhe rebelëve separatistë Tamil la të paktën 100,000 njerëz të vdekur, përcjell syri.net.

Një gjykatë urdhëroi gërmime të detajuara në vendin e një ish depoje bashkëpunuese pranë terminalit kryesor të autobusave pasi mbetjet mortore u gjetën nga punëtorët që gërmuan themelet për një ndërtesë të re më parë gjatë këtij viti.

Ende nuk është e qartë se kush janë viktimat apo si kanë vdekur.

"Ne kemi gërmuar më shumë se 230 skelete deri më tani," tha profesor Raj Somadeva, një arkeolog mjeko-ligjor nga Universiteti i Kelaniya pranë Colombo i cili udhëheq ekipin në vend. "Sipas përvojës sime kjo është varr masiv më i madh i gërmuar ndonjëherë"- përfundoi ai.