Nga Naim Noka/
Më në fund Prokuroria e Posaçme Antikorrupsion ka marrë në sekuestro inceneratorin e Tiranës. SPAK sot na tha se po heton në kuadër të procedimit penal për veprat penale të “Mashtrimi me pasoja të rënda”, në bashkëpunim, “Shpërdorimi i detyrës”, funksionarëve të lartë shtetërorë ose i të zgjedhurve vendorë”.
Pra ‘de facto’ biznesmenët në kërkim Mirel Mërtiri dhe Klodian Zoto janë pronarët e inceneratorit.
Vetëm dy veta thua vallë bënë çorap institucionet duke përfshirë dhe vendorët e Tiranês?
Nga provat e marra gjatë hetimit ka rezultuar se, shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k. Pra më në fund u bind SPAK-u se të gjithë megaaferën e kanē drejtuar Mërtiri dhe Zoto.
Po Erion Veliaj përse nuk e ka pranuar kurrë faktin se ai është kërkuesi i inceneratorit të Tiranës?
Në dokumentet e SPAK thuhet se ai është njeriu që ka kërkuar i pari për të ndërtuar një incenerator në Tiranë.
Po me Veliajn do procedohet njëlloj si me funksionarët e tjerë publikë?
Perse priti kaq gjatë SPAK-u kur llogaritë e firmës që merr para nga taksat e shqiptarëve u zbrazën?
Veliaj paguaj e Mertiri e Zoto bëj qef ?
Po Rama a mban përgjegjësi për “lali Erin që ka lindur me këmishë ” për abuzime ? SPAK-u ndoshta luan me fatin e Shqipërisë nëse do ta hetojë si duhet këtë megaaferë.
Dosja e SPAK thotë se Veliaj ka nisur dy shkresa, një në janar të vitit 2016, kur ishte ministër Financash, Shkëlqim Çani dhe një në shkurt të 2016, kur ishte ministër Financash, Arben Ahmetaj. Kjo procedurë është kundërshtuar si nga Cani edhe Arben Ahmetaj. Pra ideja për inceneratorin e Tiranës është e Veliajt. Sipas kontratës, Inceneratori i Tiranēs ka marrë deri më sot 100 milionë euro.
Tani nuk mund të mos pyesim , po Rama dhe Veliaj a mbajnë përgjegjësi për 60 mln euro që janë paguar nga taksat e buxhetit të shtetit dhe sot nuk kemi incenerator.
Po Rama dhe Veliaj a mbajnë përgjegjësi për 40 mln euro që janë paguar për kontratat e depozitimit të dherave dhe mbetjeve të firmave private.
Po Rama dhe Veliaj a mbajnë përgjegjësi për 13-15 mln euro në vit të paguara nga bashkia e Tiranës, ajo e Durrësit dhe bashkia e Kavajës që ka tarifën më të shtrenjtë dhe është një bashki e falimentuar?
Ja pra pse një hetim i plotë, serioz dhe pa kompromis i bën nder të ardhmes sē vendit dhe konsolidimit të sistemit të drejtësisë më në fund. SPAK-u ka në dorë të bindë ata shqiptarë që kanë mbetur këtu akoma pa ikur, se ligji është ligj dhe nuk del dot mbi ligjin as Rama e as Veliaj dhe se ka pak dritë në fund të tunelit.
Shqipëria nuk është pronë as e Edi Ramës, dhe as e Veliajt, që në një dekadë qeverisje i bēnë taksat e popullit më të varfër të Europës “rrush e kumbulla”.
© SYRI.net