Nga Ardian Puka*/
Shumica e turistëve të huaj udhëtojnë në Spanjë, Francë, Itali, Turqi. Por kjo nuk do të thotë se sektori i turizmit kontribuon ndjeshëm në PBB. Ekonomitë e tyre nuk varen shumë prej tij. Por për disa vende të vogla të Evropës Jugore, udhëtimet dhe turizmi janë një pjesë e rëndësishme e ekonomisë së tyre. Për Shqipërinë dhe Greqinë është reth 20% e PBB-së, për Kroacinë 24% e PBB-së dhe për Malin e Zi edhe 30%.
Pra turizmi ndikon jo pak për Shqipërinë në vendin më të varfër të Evropës dhe në ekonomine tonë të dobët të orientuar kryesisht dhe vetëm nga shërbimet (ndërtim fasoneri minerale etj) dhe /ose në ate çfarë na ka ofruar natyra. Turizmi është i orientuar më së shumti në atë të diellit dhe plazhit dhe kryesisht ne 2 muajt e verës. Diaspora dhe emigrantet që kthehen vazhdojne të zënë peshën kryesore. Por nderkaq po aq janë edhe shifrat e shqiptarëve që udhëtojnë jashtë vendit për qëllime pushimi apo vizita dhe në fund të llogarisë nuk se ngelet shumë valutë e huaj e përfituar nga turizmi. Duket se më shumë valutë hyn nga rrugë dhe aktivitete të dyshimta apo nga sektorë që kane lidhje me aktivitete që lidhen me punimin e tokës apo transport “bimesh mjekësore”
Kryetari i aktual i bashkise Tirane deklaron se Tirana ka kapur shifrën 1 milionë turistë !! Nese nuk është fake news apo propagandë do të ishte nje lajm vërtetë sh. i mire. Vërtet gëzohemi kur shohim te huaj ne rruget e Tiranës apo gjetkë dhe urojme te shtohen. Por nuk mund ta rrokë mëndja se ku kane fjetur këta kur në Tirane nuk ka hotele por kemi vetëm godina banimi 4,6,8,10,12 kate dhe 2,3 kate parkim nëntokë. Nuk e dime kush futet ne kete milionëshin me sipër: ata qe kane kaluar transit nga Vora, Kamza, nga Rinasi, nga Kashari apo Durresi per të shkuar ne Maqedoni, Mal të Zi apo në Greqi apo vërtetë vizitorë dhe turistë që shpenzojnë një dite, një javë, apo më shumë. Janë turistë që shpenzojnë apo kureshtarët dhe kuriozët për vëndin e fundit të pazbuluar në Evropë, me çantat ne kurriz dhe sanduiç në dorë (pa i paragjykuar pse te gjithe miqtë jane te mirëpritur e te respektuar) Me shumë gjasa këtu futen edhe vizitoret nga Kosova dhe diaspora që kthehen ndonjëherë me pushime.
Po e zëmë se vërtetë kemi patur 1 milionë turistë apo vizitorë. Një pjesë e tyre ( të huajt) kur të kthehen ne vendet e tyre do të tregojne për pershtypjet dhe në varësi të tyre ne vitin tjetër do të kemi me shumë ose me pak vizitorë. Turizmi funksionon shumë edhe gojarisht. Dhe meqënëse na pëlqen të dijmë se çfarë thonë të huajt për ne dhe Shqipërine, po risjell disa pershtypje si më poshte. Rastësisht janë nga Gjermania.
Para disa vitesh e pyetën një operator turistik nga Gjermania se çfarë mbresa kishte nga vizita në vendin tonë. Ai u përgjig thatë dhe sinqerisht: Kulturshok.
Në gazetën e perjavshme gjermane “Die Zeit” (gazete liberale, e pavarur) te datës 16 Maj 2019 u shfaq një shkrim me titull “Balkanpop” nga shkrimtarja e njohur gjermane Sandra Hoffman pas udhëtimit 5 ditor në vendion tonë. Kanë kaluar 4 vjet, janë kryer shumë investime janë dhënë shumë tendera, jane derdhur pare dhe shume e më shumë beton. Jane derdhur jo në kuptimin figurativ por me të vërtetë derdhur sepse shumë investime jane të dobëta, joeficente, pa vlera estetike, të dyshimta teknikisht, jo të qëndrueshme, joekologjike, jo trendy: ato nuk i qëndrojnë kohës, shpejt prishen, degradojnë, ribëhen nga e para.
Personalisht besoj se nuk ka ndryshuar shumë nga koha e botimit dhe po sjell pjesë nga reportazhi i gjatë i shkrimtares gjermane.
Në mëngjes Tirana vjen erë tym nga shkarkimet e mjeteve por edhe e bukës së freskët, zhurmat janë më ëe forta se në Gjermani. Stacioni i autobusëve është në periferi të qytetit dhe duket si parkingu i një tregtari makinash të përdorura me transportuesin e tij të vjetëruar të pasagjerëve - furgonët.
Destinacioni Pogradec. Shoferi i autobusit më vendosi në ndenjësen pas tij dhe gjatë orëve në vijim mësova shumë vetëm duke parë: se nuk ka stacione autobusi me tabela në Shqipëri dhe se autobusi ndalon kur dikush dëshiron të zbresë ose dikush qëndron në këmbë në anë të rrugës. Që kur të gjitha sediljet janë të zëna,del stoli i plastikës nga një vend i fshehtë dhe dikush mund të ulet. Ju paguani ne dore kur jua kerkojnë. Kur dal nga autobusi rreth mesditës, gjëndem menjëherë në një përzierje shurdhuese mes Ballkanit dhe ish Bllokut Lindor, ku njeriu demonstron të gjithë motorët dhe pajisjet muzikore që ka. Kafenetë luajnë ballkanpop, nga makinat gjëmon teknobas, rropamë motoçikletat. Por 5 minuta më larg, në liqenin e dytë më të madh të Ballkanit, ndihem sikur jam në një vendpushim klimatik zviceran në periudhën jashtë sezonit. Uji është i qartë, plazhi i pastër, varkat janë në gjendje të mirë dhe ata pak njerëz që ecin flasin me zë të ulët. Në parkun aty pranë, burra me kostume janë ulur dhe luajnë shah. Kur një grup nxënësish vijnë drejt meje në një zinxhir prej pesë vetash dhe nuk bëjnë asnjë përpjekje për t'u mënjanuar, është e qartë se Zvicra në fund të fundit është shumë larg.
Të nesërmen nisem herët për në Korçë. Shqiptarët thonë se ky është qyteti më i bukur, më moderni por pa mohuar traditën e vet. Udhëtimi per Korcë përfundon në një shesh drejtpërdrejt përballë një ndërtese tregu. Është pluhur, zhurmë dhe plot me njerëz. Unë nis te eci. Pas rreth 50 hapash shikoj një botë plot hir: përpara meje shtrihet lagjja e rinovuar osmane - pazari i vjetër me shtëpi të vogla dykatëshe që strehojnë artizanat tradicional, kafene dhe restorante. E kam përjetuar tashmë edhe në Tiranë dhe Pogradec, kur shoh se sa afër janë bukuria dhe plehrat, zhurma dhe qetësia, tradita dhe moderniteti në Shqipëri: por këtu është akoma më e fortë.
Në Korçë ka shumë për të parë – Muzeu i Kombëtar të Artit Mesjetar. Edi Rama kryeminister dhe piktor ka bërë të mundur që të ndërtohet. Nga jashte ndertesa është një kuti e shëmtuar dhe e errët; brenda shkëlqejne muret në ngjyre të kuqe gjak.
Mëngjesin tjetër një recepsionist më çon te autobuzi për Gjirokastër. Ai me jep ëmbëlsira të bëra vetë dhe i shpjegon shoferit që qëndron para autobusit dhe pi duhan se si të më zbresë në vendin e duhur. Ka akoma vende të lira. Në ndalesën e parë hipën dikush me 2 thasë 20 kilosh, tre kuti kartoni dhe dy valixhe. Pastaj në mes të askundit një tjetër që vjen erë tym, mish i tymosur dhe djersë. Diku në ane të një fshati një gjysh me nipin në krah.
Gjate 3 orëve të para shkundemi nga gropa në gropë me 20 km/orë në rrugen me zhavorr. Ndonjëherë kalojmë humnera të tilla, saqë mbyll sytë ose përqendrohem në regjistrimin në celularin tim të muzikës teknoballkanike të shoferit, në mënyrë që më vonë ta identifikoj me Shazam. Kur më në fund kthehemi në një rrugë të asfaltuar, shoferi i autobusit vë Opus një: Live ist Life.
Gjirokastër. Diktatori Hoxha që kishte lindur këtu i kishte venë nën mbrojtje shtëpite e bardha me dritare të larta dhe dyer masive në oboret e brendshëm. Kohet e fundit ka shume banorë që i kanë ndëruar pllakat e gurit në çati me tjegulla - kercënim për mbrojtjen nga UNESCO
Në autobusin për në Sarandë, stacioni im i fundit, vështroj nga dritarja peizazhin djerrë të ndërthurur me lumenj të vegjël dhe ullinj. Dhe mendoj se Shqipëria nuk është ndonjë bukuroshe që mezi pret të duket. Dhe se syri këtu nuk mund të pushojë kurrë në bukuri, diçka gë rvisht gjithmonë.
Edhe në Sarandë, ku Korfuzi është aq afër sa thuajse mund të notosh atje, hijeshia e gjirit të hapet vetëm nëse ndalon së shikuari pas teje; ndryshe do të mbetesh i habitur nga kompleksi i banesave te parafabrikuara në majë të kodrës, aq i madh sa mendon se ka vend për gjysmën e Shqipërisë.
Të nesërmen në mëngjes, shikoj nga dhoma e hotelit 2 Mercedes 220 që janë parkuar para dritares. Njeri mund t'i përkasë Poseidonit: restoranti i vogël i peshkut direkt në det, pronari i të cilit duket sikur ka dalë nga koleksioni i antikiteteve në muzeun arkeologjik.
Një orë më vonë, rrugës për në Tiranë, pak përpara Qafës së Llogarasë, pres në diell me 15 persona të tjerë sepse kemi ngelur pa benzinë. Pas rreth një ore e gjysmë, një furgon sjell bidonin. Shoferi ynë, shoferi i autobusit dhe një ndihmës kërkojnë ta mbushin atë në rezervuar por e derdhin gjysmën. Ata e hedhin pjesën tjetër me një hinkë në një shishe dhe shishen pastaj në rezervuar. Besimi im tek shoferi i autobusit po shuhet. Kur ai gjithashtu shkruan mesazhe në smartfonin e tij në rrugë e sipër, frikësohem. Filloj të lutem.
Gjysmë ore më vonë, autobusi ndalon në një tavernë në pyll, shoferin e pret një pjatë me mish dhe patate. Edhe une jam e uritur - no time më thotë i zoti i lokalit. Autobusi të çon drejt e në zemër të këtij vendi.
Gazeta “Die Zeit “ ka mbi gjysem milioni lexues dhe në Gjermani lexohet vërtetë më shumë se nga ne. Shumëkush mund të nxjerrë vetë disa përshtypje dhe ta interpretojë si të dëshirojë në varësi të përkatësisë kulturore, bindjeve apo pëlqimeve. Personalisht më duket se vizitorja gjermane në një udhëtim 5 ditor me mikrobuz, pothuaj ka rrokur shumëçka prej Shqipërise dhe shqipëtarëve apo dhe marëdhënjet, sjelljet, seriozitetin dhe kulturën përballë industrisë që quhet turizëm dhe që është kaq i rëndësishëm.
Në gjykimin tim, shumica dërmuese e Gjermanëve ( besoj edhe shumë kombe të tjerë që kanë të njëjtin mentalitet apo dhe zakone kulturore të ngjashme) nuk do të entusiazmohen shumë pasi të kenë lexuar këtë reportazh. Duket më shumë sikur Shqipëria është ende një vënd thjesht ekzotik për tu zbuluar. Vështirë se shumëkush do të kthehej për të pushuar, vërtetë për të pushuar. Ne vetë shkojmë jashtë shtetit me pushime, në kuptimin e vertetë të fjalës - Pushime
Shkrimtares i pëlqen nga Shqipëria vetëm pazari i rinovuar me ndërtesa 2 katëshe në Korçë, pjesa tjetër të gërvisht syrin. Operatori turistik ka shkuar edhe më larg - na quan kulturshok .
Ndryshe nga më sipër urojmë që ata 1 milion turistët që vizituan Tiranën të rikthehen përsëri apo t’ju thonë bashkëkombësve të tyrë që ja vlen bara qiranë të udhëtosh në vëndin e shqiponjave dhe kryeqytetin e tij.
*Urbanist.
© SYRI.net