Premiera e një filmi biografik për vitet e formimit të ish-presidentit amerikan Donald Trump do të shfaqet në Festivalin e Filmit në Kanë muajin e ardhshëm. Drejtuar nga regjisori i njohur irano-danez Ali Abbasi, "The Apprentice" tregon historinë se si Trump-i i ri filloi të merrej me biznesin e pasurive të paluajtshme në Nju Jork në vitet 1970 dhe 1980 dhe u njoh me mentorin e tij Roy Cohn.
Filmi është ndër 18 filmat që konkurrojnë për Palmën e Artë, çmimin kryesor të festivalit.
"The Apprentice është një zhytje në brendinë e perandorisë amerikane. Ai përshkruan ngjitjen e një Donald Trump-i të ri në pushtet përmes një marrëveshjeje faustiane me avokatin me ndikim të krahut të djathtë dhe mediatorit politik Roy Cohn", sipas përshkrimit zyrtar të filmit.
First look at Sebastian Stan as Donald Trump in ‘THE APPRENTICE’. pic.twitter.com/ylmvQGB2us
— DiscussingFilm (@DiscussingFilm) April 11, 2024
Sebastian Stan - ylli i filmave me superheronj të Marvel-it dhe mini-serialit të vitit 2022 "Pam & Tommy" - luan Trump-in, ndërsa aktori i "Succession" fitues i çmimit Emmy, Jeremy Strong portretizon Roy Cohn-in, një avokat i profilit të lartë.
"Strategjia e tij ka një shtrirje tentakulare që është e jashtëzakonshme - njeriu më magjepsës që kam provuar të portretizoj," tha Strong për New York Times. "Ndonëse unë personalisht mund të kem shumë gjykime për Roy Cohn-in, kjo nuk është pjesa ime që angazhohet në punë krijuese."
Aktorja bullgare Maria Bakalova luan Ivana Zelnickova-n, gruan e parë të Trump-it dhe nëna e vajzës së tij Ivanka dhe djemve Donald Jr. dhe Eric.
Filmi përshkruan sipërmarrjet e hershme të biznesit të Trump-it dhe ngritjen e tij pasi ai iu bashkua dhe më pas mori përsipër perandorinë e pasurive të paluajtshme të babait të tij. Nën udhëheqjen e tij, kompania u shtri nga pronat rezidenciale në kazino dhe hotele, duke përfshirë Trump Tower në Manhattan dhe prona të tjera të markës Trump.
Trump tronditi botën duke mundur Hillary Clinton-in në zgjedhjet e vitit 2016 për t'u bërë presidenti i 45-të i Shteteve të Bashkuara./RT - Syri.net
© SYRI.net