Më 11 shkurt 1920, Tirana u zgjodh kryeqytet. Sot, kryeqyteti ynë mbush 104 vjet krijim.

Organet e shtetit shqiptar që dolën nga Kongresi i Lushnjës, godina në foto, siç ishin Këshilli i Naltë dhe qeveria me në krye Sulejman bej Delvinën, u vendosën në Tiranë, pikërisht në atë ndërtesë, ku tiranasit kishin ngritur flamurin kombëtar në vitin 1912.

Kështu, Tirana u shpall përkohësisht si kryeqytet i Shqipërisë. Me një shkresë të datës 13 shkurt 1920, Ministri i Punëve të Brendshme, Ahmet Zogolli, përhapte kumtin. Shih dokumentin.

Ndërsa, shpallja përfundimtare e Tiranës kryeqytet u bë me statutin e Republikës Shqiptare në janar të vitit 1925.