Në sytë e shkrimtarit Fatos Kongoli, Shqipëria është një vend që lë shumë për të dëshiruar, kurse e shkuara ngre kryet shumë shpesh. 

Egla Xhemalaj: Si e shihni ju Shqipërinë sot? Me ç'sy e shihni? Gjithë këto ndryshime, kaosi politik në sytë e një shkrimtari? Shkrimtarët janë gjithmonë të parët që rebelohen ndaj sistemeve e ndaj gjithçkaje që ndodh në vendin ku jetojnë, por jo vetëm. 

Fatos Kongoli: Dëgjoni, ka shumë gjëra që lënë për të dëshiruar. Këtu është një interes letrar. Fakti që gjithmonë e kaluara nxjerr krye, në librat e mi ka një përzierje kohe me të kaluarën, të djeshmen e të sotmen. E kaluara është gjithmonë e pranishme në çdo qelizë të jetës. 

Fatos Kongoli është një nga shkrimtarët më të ndritur të letrave shqipe, që kritikoi sistemet politike, ngriti probleme të qenësishme me të cilat përballet njeriu sot.