Partizani ka nënshkruar me sulmuesin shqiptar nga Maqedonia, Jasir Asani.

Lojtari nga Tetova i cili sezonin e kaluar ka luajtur me Vardarin dhe Shkupin, ka mbërritur në Tiranë këtë të premte pasi do të hedhë firmën e tij me “Demat e Kuq”.

Lajmi është zyrtarizuar nga vetë lojtari i cili në rrjetet sociale njoftoi fansat e tij për klubin e ri ku do të vijojë karrierën e tij në Shqipëri.

Tashmë Partizani ka luksin për të pasur në skuadër 3 sulmues cilësorë si: Jasir Asani, Xhevahir Sukaj dhe Edgar Çani.

Kujtojmë që për shkak se është mbyllur merkatoja, Asani fillimisht do të regjistrohet tek Partizani B dhe më pas do të kalojë tek skuadra e parë.

/ SYRI.net /