HISTORIA I
Një grua pyeti Xhevrijen, gruan e polic Giut:
-Ku i keni çunat, se nuk i kam parë?
-Në Angli, motër.
-Refugjatë?- u çudit ajo.
-Jo, me studime.
-Ou, po ku i gjetët kaq pare, moj Xhevrije?
-Po ja, Giu jep natën me qira kostumin e policit.
HISTORIA II
U bë merak Nevruzi, se djali i tij, Xhela, u bënë disa net që nuk po flinte në shtëpi. Ai punonte polic e do kishte ndonjë operacion,mendonte. Kur e pa te dera e pyeti:
-Ku ishe o bir, kaq gjatë jashtë shtëpisë?
-Në mal baba.
-Po pse, ndoqët ndonjë vrasës.
-Jo, jo. Kisha radhën të ruaja parcelat me hashash -foli i biri dhe hoqi veshjen e policit e u plandos si i vdekur mbi krevat.
HISTORIA III
Në komisariate mbërriti telegrami: Shihni televizor pa pushim këto ditë. Kush polic sheh emrin atje do të arrestohet 24 orët e ardhshme, ndaj të arratiset dhe të fshihet tek vendi ku rri vëllai i ministrit. Parulla, Ariu, kundërparulla, Miu.
Pas këtyre ngjarjeve policia shqiptare nuk ka më drejtor. Ka veç një manekin. Quhet Haki Çako. Mos i fol se ai nuk kthen përgjigje. Vetëm qesh...
© SYRI.net