Një 31-vjeçar që vuante dënimin në burgun e Kosovës së Madhe u arrestua sërish nga Policia e Elbasanit, pasi teksa kthehej nga leja që i kishin dhënë, kishte marrë me vete në qeli bukë dhe kanabis.

Ai quhet Dilaver Adushaj,  31  vjeç banues në Roskovec, i dënuar për “Vrasje me paramendim”.

Policia tha se "arrestimi i tij, u bë pasi gjatë kontrollit të ushtruar  nga ana e punonjësve të I.E.V.P Kosovë e Madhe, në ushqimet e tij u gjet 40 gr lëndë narkotike kanabis.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Prodhimi dhe shitja e narkotikëve"  dhe “Futja ose mbajtja e sendeve të ndaluara në institucionin e vuajtjes së dënimit” parashikuar nga nenet 283/1 dhe 324./a të Kodit Penal.