Daja: Do ta kalojmë këtë moment të vështirë

Trajneri i Dinamos, Ilir Daja foli pas barazimit që morën me Skënderbeun, duke e vënë theksin te mungesat e shumta në skuadër.

“Besoj që do t’i kalojmë momentet e vështira, ajo që na shqetëson është se mungesat i kemi të gjitha në linjën e boshtit të ekipit, por do të shohim përpara dhe t’u japim mundësinë çunave të rinj kur të vijë momenti.

Jonuzi do kohën e vet, pasi është afrimi i vetëm që kemi bërë në këtë merkato, sepse ka eksperiencë dhe e njeh mjaft mirë kampionatin shqiptar. Maliqi ka dy ditë që ka dalë në stërvitje, ka pasur një virozë, Rufati duke parë pjesën e dytë, nuk patëm nevojë për të ndërruar në mbrojtje.

E patëm në kontroll pjesën e dytë, nuk mund të fusja një sulmues të ri në një situatë si sot. Gabim bëra spostimin e Gudiabit drejt gjysmëhapësirave, nuk kishim lojtarë në qendër për të ndryshuar mënyrën e lojës. Në pjesën e parë hymë me ritëm më të ulët dhe në momentin që po menaxhonim, morëm një gol se ishte një top i humbur. Skënderbeu ka meritat e veta se bëri një pjesë të parë të mirë”, deklaroi Daja.

© SYRI.net

Lexo edhe:

• Courtois largohet me lot nga fusha, portieri belg dëmtohet ndaj Spanjës
• FIFA nxjerr në shitje mbi 1 mijë bileta të tjera për finalen e Botërorit, çmimi arrin nga 7 deri 33 mijë dollarë
• Barcelona po përgatit një ofertë të re prej 130 milionë eurosh për ‘yllin’ argjentinas pas Botërorit