Trajneri i Liverpool-it, Jurgen Klopp, u pezullua me një tjetër ndeshje për komentimin e gjykimit të arbitrit Paul Tierney.
Ai ishte arbitri kryesor i ndeshjes spektakolare të prillit mes Liverpoolit dhe Tottenhamit ku të kuqtë fituan 4-3.
Komisioni Disiplinor i Premier League e ndëshkoi ekspertin gjerman për shkak se ai ishte “shumë i përfshirë në gjykime” pas ndeshjes së lartpërmendur.
"Ne kemi një histori me Tierney. Unë me të vërtetë nuk e di se çfarë ka ai njeri kundër nesh. Na tha se nuk ka asnjë problem, por kjo nuk mund të jetë e vërtetë. Nuk e kuptoj se si më shikon," tha trajner gjerman.
Krahas kësaj, ky organ disiplinor i futbollit anglez e “lehtësoi” Kloppin me 75 mijë paund, të cilat do të duhet t’i paguajë në llogarinë e tyre.
Kështu, Klopp nuk do të jetë në dispozicion të lojtarëve të tij në ndeshjen shumë të rëndësishme të kampionatit kundër Aston Villa në Anfield dhe do të kthehet për raundin e fundit dhe ndeshjen ndaj Southampton-it të shtyrë.
Reds janë në një seri të shkëlqyer prej shtatë fitoresh radhazi dhe janë rikthyer në garë për Champions League sezonin e ardhshëm, edhe pse në një moment të sezonit dukej si një mision i pamundur.
© SYRI.net
Allegri para finales: Ndaj Atalantës duhet të kemi kujdes episodet
Tirana merr ‘dhuratë’ nga Egnatia, Europën dhe 375 mijë euro
‘Libri i Artë’/ Egnatia triumfon në edicionin e 72-të, njihuni me fituesit ndër vite të Kupës së ShqipërisëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
