Manchester City triumfon në transfertën e Fulhamit dhe rikthehet në krye të renditjes së Premier League.
Takimi i javës së 37-të të Premier League u diktua nga “citizens” dhe në fund u mbyll me fitoren 0-4 të skuadrës së Pep Guardiolës.
Në minutën e 13-të De Bruyne dhuroi asist, teksa Gvardiol e dërgoi topin në fund të rrjetës, duke zhbllokuar ndeshjen.
Takimi vazhdoi me këtë rezultat deri në minutën e 59-të, kur Foden mori topin në zonë dhe e finalizoi në rrjetë, duke dyfishuar avantazhin e ekipit të tij.
Gvardiol i dhuroi siguri skuadrës së tij në minutën e 71-të, duke shënuar edhe golin e tretë për “citizens”.
Në minutën e 90+6’ pas një ndërhyrje të gabuar të Diop ndaj Alvarez City fitoi penallti, lojtari i Fulham la fushën e lojës pasi morri kartonin e dytë të verdhë, teksa ai i City realizoi nga pika e bardhë e penalltisë dhe i dhuroi golin e katërt skuadrës së tij.
Sa i përket sulmuesit të kombëtares shqiptare të futbollit, Armando Broja, u aktivizua në minutën e 67-të në vend të Rodrigo Muniz, por nuk mundi të linte gjurmë përballë “citizens”.
Pas këtij takimi, Fulham renditet momentalisht në vend të 13-të me 44 pikë, teksa Manchester City kryeson me 85 pikë, dy më shumë se Arsenal i vendit të dytë.
© SYRI.net
Historike/ Kombëtarja e vajzave del e para në grup dhe kualifikohet në ‘Play-Off” të Euro 2025
Ofertë stratosferike nga Arabia Saudite për Szczesny, i propozohet 30 milionë euro pagë për dy sezone
Mesazhi i Ronaldos për Kylian Mbappe: Tani është radha ime të të admiroj ty!Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
