Gjysmëfinalet e Ligës së Kampionëve vijojnë këtë të martë me ndeshjen e kthimit të duelit tërësisht italian ndërmjet Interit dhe Milanit.
Pas disfatës 0-2 në ndeshjen e parë gjysmëfinale të Champions League, kuqezinjtë kërkojnë përmbysjen e madhe ndaj zikaltërve.
Kështu, trajneri Stefano Piolit ka vendosur të luajë me modulin 4-2-3-1 me Mike Maignan në portë pas Davide Calabria, Malick Thiaw, Fikayo Tomori dhe Theo Hernandez. Mesi i fushës përbëhet Sandro Tonali dhe Rade Krunic. I vetëm në krye, Olivier Giroud mbështetet nga Junior Messias, Brahim Diaz dhe i rikthyeri Rafael Leao.
Nga ana tjetër, Simone Inzaghi luan me modulin 3-5-2 me Andre Onanën si bastion të fundit. Përballë tij, Matteo Darmian, Francesco Acerbi dhe Alessandro Bastoni përbëjnë mbrojtjen ndërsa rolet e pistonit zënë Denzel Dumfries dhe Federico Dimarco. Hakan Çalhanoglu është pozicionuar si “rojtar” përkrah Nicolo Barella dhe Henrikh Mkhitaryan. Ndërsa sulmi përbëhet nga Edin Dzeko dhe Lautaro Martinez.
© SYRI.net
Bëje LIKE dhe merr lajmin e fundit nga Sporti: