Sot në orën 11:00 Milani zbriti në “Milanello” për të bërë përgatitjet e fundit përpara euroderbit me Inter-in.
Në këtë seancë të lehtë përgatitore Pioli mësoi se Leao do të jetë në fushë përballë zikaltërve pasi poretugezi u stërvit me regjim të plotë së bashku me grupin e lojtarëve.
Për trajnerin e Milan-it dilemma e vetme në formacion do të jetë ajo e mesfushës ofensive ku Messias Jr. dhe Saelemaekers janë në një “garë” të fortë për një vend në formacion.
Braziliani ditën e djeshme nuk u stërvit me lojtarët e tjerë pasi kishte një lodhje të lehtë në muskujt e kofshës, por sot në mëngjes edhe ai u provua nga Pioli në stërvitje duke dhënë garanci se mund të jetë titullar i mundshëm për euroderbin, i cili vlen një vend në finalen e Stambollit.
© SYRI.net
Bëje LIKE dhe merr lajmin e fundit nga Sporti: