Jo vetëm futbolli ishte i rëndësishëm në jetën e Pep Guardiolës. Trajneri i Manchester City-t ka provuar të ketë sukses edhe në botën e modelingut në të kaluarën, konkretisht në vitin 1993 kur mesfushori i atëhershëm i Barcelonës u punësua nga stilisti katalanas Antonio Miro për një sfilatë.
Djali i Antonio-s, David Miro zbuloi se Pep ishte shumë i suksesshëm, por trajneri i atëhershëm i Barcelonës Johan Cruyff nuk ishte i lumtur me këtë veprim.
“Çdo veshje që veshi Guardiola në atë sfilatë u shit brenda pak ditësh”, thotë Miro Junior.
Barcelona, megjithatë, nuk e mori shumë mirë. Pavarësisht se kishte gjithçka që kërkohej për një model, erdhi dita kur Johann Cruijff u ndje i tradhtuar nga qëndrimi i Guardiolës.
Një karrierë paralele në pasarelë ishte një kënaqësi personale për Pep, por u shënua si mungesë respekti për Cruijff, i cili mendonte se Pep vendosi egon dhe interesat e tij përpara interesave të ekipit dhe kolektivit:
"Në vitet nëntëdhjetë, Pep e pyeti babanë tim nëse ai mund të bëhej modeli i tij. Babai im ishte një tifoz i Barcelonës, kështu që i pëlqeu ideja dhe tha po. Më pas Crujiff e ndëshkoi Pep-in, i cili nuk u soll si profesionist. Ai e detyroi të paguante për këtë," tha David Miro.
Ishte një mësim që Guardiola e mori vite më vonë, pikërisht si trajner i Barcelonës.
“Kur Pique i kërkoi babait tim të njëjtën gjë disa vite më vonë, Guardiola nuk e lejoi atë”, zbuloi Miro.
Pavarësisht gjithçkaje, Guardiola mbeti shumë i popullarizuar në dhe prej vitesh konsiderohet si trajneri më i pashëm i futbollit.
© SYRI.net
VIDEO/ Edon Zhegrova i papërmbajtshëm, i shënon Lyonit
Yjet që nuk do të luajnë në Euro 2024
‘Haaland është një fëmijë i llastuar’Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
