Hidhet shorti i Kupës së Shqipërisë, zbardhen dy çiftet gjysmëfinaliste

Hidhet shorti i Kupës së Shqipërisë, zbardhen dy çiftet gjysmëfinaliste

11:27, 30/03/2023

Federata Shqiptare e Futbollit ka hedhur ditën e sotme shortin për Kupën e Shqipërisë, duke mësuar kështu dy sfidat gjysmëfinale.

Të pranishëm në hedhjen e shortit ishin përfaqësuesit e katër klubeve të kualifikuar deri në këtë fazë e më konkretisht Tirana, Teuta, Vllaznia dhe Egnatia.

Nga shorti u përcaktuan dy çiftet, ku Vllaznia do të presë Egnatian, me shkodranët që do të kërkojnë të ngrenë sërish trofeun për të tretin vit radhazi, ndërsa rrogozhinasit kërkojnë të bëjnë surprizën këtë edicion.

Takimi tjetër do të jetë ai mes Tiranës dhe Teutës, ku të dyja skuadrat do të luftojnë për trofeun si një objektiv kryesor i sezonit.

Ndeshjet e para do të luhen më datë 26 prill, ndërsa ato të kthimit më 11 maj.

Sa i përket finales ajo do të luhet më datën 1 qershor në stadiumin “Air Albania”.

GJYSMËFINALET:

26 PRILL

VLLAZNIA – EGNATIA

TIRANA – TEUTA

11 MAJ

EGNATIA – VLLAZNIA

TEUTA – TIRANA

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco