Gazeta e madhe franceze, Le Parisien, ka shkruar të enjten mbrëma se Llapi i Podujevës është ekipi i dyshuar për kurdisje të rezultatit të ndeshjeve në Superligën e Kosovës në futboll.
Një institucion i hetimeve në Francë ka shkruar të enjten se ka të arrestuar dhe janë hapur hetime lidhur me kurdisjen e rezultateve në katër ndeshje të Superligës.
Mediat franceze fillimisht nuk kanë përmendur emrin e ekipit, por Le Parisien ka shkruar se bëhet fjalë për Llapin e Podujevës.
Sipas Le Parisien, rrjeti i të përfshirëve është i madh, ndërsa janë edhe anëtarë të stafit drejtues dhe teknik të Llapit, si dhe disa lojtarë të kësaj skuadre.
FFK-ja ka thënë se nuk është në dijeni për shkrimet në Francë, ndërsa nga MKRS-ja kanë thënë se janë njoftuar dhe se një Këshill kundër Dhunës po merret me rastin.
LEXO EDHE: Skandaloze - Mediat franceze shkruajnë për 360 mijë eurot e fituara nga kurdisjet në Kosovë
Goditet rëndë futbolli kosovar nga Franca, 9 të arrestuar për kurdisje
© SYRI.net
Bëje LIKE dhe merr lajmin e fundit nga Sporti: