Një deklaratë e përbashkët është lëshuar nga Federatat e Futbollit të Anglisë, Uellsit, Belgjikës, Danimarkës, Gjermanisë, Holandës dhe Zvicrës, në lidhje me mbajtjen e shiritit “One Love”.
Në deklaratë thuhet se për shkak se FIFA do të vendoste sanksione, kapitenët e këtyre shteteve nuk do ta mbajnë këtë shirit.
“FIFA ka qenë shumë e qartë se do të vendosë sanksione sportive nëse kapitenët tanë mbajnë shiritat në fushën e lojës”.
“Si federata kombëtare, ne nuk mund t’i vendosim lojtarët tanë në një pozicion ku ata mund të përballen me sanksione sportive, duke përfshirë kartonët, kështu që ne i kemi kërkuar kapitenëve që të mos përpiqen të mbajnë shiritat në lojërat e Kupës së Botës FIFA”.
“Ne ishim të përgatitur të paguanim gjoba që normalisht do të zbatoheshin për shkeljet e rregulloreve të fanellave dhe kishim një përkushtim të fortë për të mbajtur shiritin në krah. Megjithatë, ne nuk mund t’i vendosim lojtarët tanë në situatën ku ata mund të ndëshkoheshin apo edhe të detyroheshin të largoheshin nga fusha e lojës”.
“Jemi shumë të frustruar nga vendimi i FIFA-s, i cili besojmë se është i paprecedentë – ne i shkruam FIFA-s në shtator duke i informuar ata për dëshirën tonë për të mbajtur shiritin e OneLove për të mbështetur në mënyrë aktive përfshirjen në futboll dhe nuk patëm asnjë përgjigje”.
“Lojtarët dhe trajnerët tanë janë të zhgënjyer – ata janë mbështetës të fortë të përfshirjes dhe do të tregojnë mbështetje në mënyra të tjera”.
© SYRI.net
‘Haaland është një fëmijë i llastuar’
Presidenti i Francës takon babanë e Mbappe, arsyeja
Al-Khelaifi gati për sfidën ndaj Dortmundit: Nesër përfaqësojmë PSG-në, Parisin dhe Francën!Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
