Edi Reja duket si ka mbyllur çdo llogari me Shqipërinë pas barazimit me Islandën në Air Albania.
Kuqezinjtë nuk ia dolën të rrëmbenin tri pikët, ndërsa u renditën të tretët në një grup ku Rusia është e përjashtuar.
Provoja e trajnerit Reja është e madhe, por rezultatet zhgënjyese dhe me kontratën që skadon në nëntor, ai zor se do të jetë në miqësoret me Italinë dhe Arabinë Saudite, me “valixhet” që i ka gati për Itali, pasi tashmë si kurrë më parë edhe tifozët janë kundër kombëtares, dukshëm të mërzitur me yjet e tyre.
Por kush janë kandidatët që mund të marrin frenat e kombëtares për të sjellë në shinat e duhur talentet që kemi?
Xhankarlo Kamoleze është trajneri i parë që përflitet, për vetë faktit që ka qenë pjesë e FSHF-së dhe e njeh mirë ambientin kuqezi, pasi në të kaluarën ka qenë drejtori teknik ekipeve kombëtare.
I dyti është Besnik Hasi. Hasi mund të quhet edhe “ëndrra” e tifozëve, pasi pas çdo largimi të trajnerëve të kombëtares është i pari që përflitet se mund të marri frenat e kuqezinjëve. Në të kaluarën ka drejtuar skuadra si Anderlecht, Olimpiakos apo Legian e Varshavës.
I fundit po jo më pak i rëndësishmi është edhe Giani De Biazi. Ish-trajneri i kuqezinjve i cili na kualifikoi në “Euro 2016” është edhe shumë i dashur për tifozët, të cilët kanë vërshuar me mesazhe ndaj tij që të mund të rikthehet në kombëtare.
© SYRI.net
Kombëtarja shqiptare e veteranëve miqësore me ekipin FC Kosova Schaerbeek në 26 maj në Bruksel
Osmani pas suksesit të Distrisë: Jashtëzakonisht krenare, në Paris, më e fortë se kurrë
Taremi kryen testet mjekësore, Interi kompleton dy goditjet e para në merkatoBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
