Përfaqësuesja e Kosovës në konkurrencën e femrave është ngjitur për dy pozita në ranglistën e fundit të FIFA-s të publikuar të premten, pavarësisht dy humbjeve të thella që i pësoi në muajin prill.
Në listën e 25 marsit të publikuar nga FIFA, Kosova renditej në vendin e 112-të, ndërsa tani është në pozitën e 110-të me 1164 pikë.
Më 7 prill, Kosova u mposht në udhëtim te Norvegjia me rezultatin 5:1, në ndeshjen e rëndësishme për kualifikim në Kampionatin Botëror 2023.
Humbje edhe më të thellë, 6:1, pësoi më 12 prill në stadiumin “Fadil Vokrri” në Prishtinë. U mposht nga Belgjika. Edhe kjo ndeshje ishte kualifikuese për Botërorin e vitit të ardhshëm.
Kosova në Grupin F kualifikues për Botëror pozicionohet në vendin e parafundit me katër pikë në tetë ndeshje.
Në shtator i luan edhe dy duelet e fundit kualifikuese. E pret Armeninë më 1 shtator, ndërsa më 6 shtator udhëton te Polonia.
© SYRI.net
Bundesliga/ Verdiktet finale të këtij edicioni, Bayern e mbyll i 3-ti
Ballkani shkruan historinë, djemtë e Ilir Dajës shpallen kampionë për herë të tretë
Brajan Gruda feston në Bundesligë, shënon golin e katërt sezonal Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
