Cristiano Ronaldo mohoi deklaratën e redaktorit të “France Football”, Pascal Ferre, i cili kishte thënë se CR7 donte të kalonte Lionel Messin për numrin e “Topave të Artë” të fituar.
“Ambicia e vetme e Ronaldos është që kur ta lërë futbollin, të ketë fituar trofeun e ‘Topit të Artë’ më shumë se Leo Messi. Unë e di, sepse ka qenë vetë ai që ma ka thënë”, ka deklaruar Ferre, redaktori i France Football, i cili është organizatori i këtij çmimi prestigjioz, i cili përfundoi për herë të shtatë në duart e Messit.
Ronaldo është përgjigjur ashpër në profilin e tij në Instagram dhe ka shkruar se Ferre gënjen dhe se nuk ka ambicie të kalojë Messin për numrin e Topave të Artë, prej të cilëve tani ka dy më pak.
Megjithatë, duket se Ronaldo ka harruar atë që ka thënë në vitin 2019.
Në një intervistë që i ka dhënë Piers Morgan, Ronaldo e bëri të qartë se qëllimi i tij ishte të kishte më shumë Topa të Artë se Messi.
“Cilin rekord e dëshironi më së shumti ta kishit?” e pyeti Morgan.
"Më shumë “Topa të Artë” në historinë e futbollit. Do të doja që kjo të ndodhte dhe mendoj se e meritoj. Messi është një djalë fantastik, një lojtar fantastik dhe një nga më të mirët në histori. Por unë mendoj se duhet të kem gjashtë, shtatë ose 8 Topa të Artë. Gjithsesi më shumë prej tij”, tha Ronaldo dy vite më parë.
Ndoshta Ronaldos nuk i ka pëlqyer fakti se Morgan ka thënë se ai ia ka rrëfyer personalisht se dëshiron të fitojë më shumë “Topa të Artë” se Messi, por që e ka thënë diçka të tillë shihet në këtë video.
Ronaldo told Piers Morgan he wanted more Ballon d’Or than Messi. So, anybody will believe that he also said the same thing to Pascal Ferré. pic.twitter.com/Q7sCHkO95F
— BeksFCB (@Joshua_Ubeku) November 29, 2021
© SYRI.net
Yjet që nuk do të luajnë në Euro 2024
‘Haaland është një fëmijë i llastuar’
Presidenti i Francës takon babanë e Mbappe, arsyejaBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
