Cristiano Ronaldo rikthehet në shtëpi. Ylli portugez ka arritur marrëveshje me Manchester United.
Lajmin e konfirmoi klubi i Manchester, i cili njoftoi se ka arritur marrëveshjen me Juventus dhe tani priten vetëm detajet e fundit.
Klubi anglez postoi në rrjetet sociale kolazh fotosh të CR7, me frazën “Mirësevjen në shtëpi”.
Sipas mediave britanike, ishte telefonata e Sir Alex Ferguson ajo që bindi 36-vjeçarin të zgjidhte United përpara Manchester City-t. Cristiano Ronaldo kalon kështu te Manchester United, klub me të cilin ka luajtur në periudhën 2003-2009.
NJOFTIMI
Manchester United është i kënaqur të konfirmojë se klubi ka arritur marrëveshje me Juventus për transferimin e Cristiano Ronaldo, në varësi të kushteve personale, vizës dhe analizave mjekësore.
Cristiano, pesë herë fituesi Topit të Artë, deri më tani ka fituar mbi 30 trofe të mëdhenj gjatë karrierës së tij, duke përfshirë pesë tituj të UEFA Champions League, katër Kupa Botërore të Klubeve FIFA, shtatë tituj ligash në Angli, Spanjë dhe Itali, dhe Kampionatin Europian për Portugalinë e tij të lindjes.
© SYRI.net
VIDEO/ Edon Zhegrova i papërmbajtshëm, i shënon Lyonit
Yjet që nuk do të luajnë në Euro 2024
‘Haaland është një fëmijë i llastuar’Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
