Juventusi thuhet se është në bisedime të avancuara me Evertonin për kthimin e sulmuesit Moise Kean në Allianz Stadium.
Ish-sulmuesi i Bianconerëve është lidhur me një rikthim në Torino që kur u bashkua me Evertonin në vitin 2019 dhe 21-vjeçari është shfaqur si një objektiv konkret për të zëvendësuar Cristiano Ronaldon.
Reprezentuesi portugez ka zbrazur dollapin e tij në qendrën stërvitore Continassa dhe raportet thonë se ai është i vendosur për një rikthim në Ligën Premier me Manchester Cityn si favorit.
Sipas SportItalia, agjenti i Kean, Mino Raiola ka folur dje (e enjte) me Juventusin për një kthim të mundshëm dhe Evertoni ka dhënë dritën jeshile për një huazim me pagesë.
Gazetari i Sky Sports, Kaveh Solhekol raporton se të dyja palët janë në bisedime të avancuara dhe raportet e mëparshme sugjerojnë që të dy klubet po diskutojnë kushtet e marrëveshjes.
Kean mund të kthehet në huazim me një mundësi blerjeje, me kushte të lidhura me paraqitjet e sulmuesit italian që mund ta bëjnë kthimin një detyrim.
Sulmuesi i cili ki luajtur nëntë herë për Italinë, luajti 41 ndeshje konkurruese me Paris Saint-Germain sezonin e kaluar, duke kontribuar me 17 gola dhe një asistim.
© SYRI.net
Dortmund-PSG/ Mbyllet pjesa e parë, rezultati dhe statistikat
Dortmund ndez festën në 'Signa Iduna Park', Fullkrug ndëshkon PSG
Belgjika pa Thibaut Courtois në Euro 2024Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
