Ishte në ajër prej disa kohësh, por ditën e sotme u bë zyrtare. Achraf Hakimi është futbollisti më i ri i Paris Saint Germain. Klubi francez do të paguajë 60 milionë euro kesh, plus 11 të tjera në formë bonusesh për kartonin e mbrojtësit maroken, i cili nga ana tjetër ka firmosur një kontratë 5-vjeçare me pagë 10 milionë euro neto në sezon.
Futbollisti 23-vjeçar mbaroi pushimet ditën e djeshme dhe udhëtoi drejt Parisit, ndërsa paraditen e sotme kreu vizitat mjekësore rutinore dhe më pas hodhi firmën mbi kontratën 5-vjeçare, para se të prezantohet zyrtarisht si pjesë e PSG-së.
“Sot ndihem shumë krenar. Pas eksperiencave të mia në Spanjë, Gjermani e Itali, tani mu ofrua të njoh një tjetër kampionat dhe me ngjyrat e një klubi shumë prestigjoz si Paris Saint Germain. Mezi pres të njoh shokët e mi të rinj dhe të takoj tifozët e të ndjej përkrahjen e tyre në “Parc des Princes”. Kam të njëjtat ambicie me stafin teknik dhe jam gati të bëj gjithçka për klubin tim të ri”, deklaroi mbrojtësi maroken.
Ndërkohë presidenti i PSG-së, Al Khelaifi u shfaq mjaft i lumtur për transferimin e Hakimit dhe tha se blerja e një futbollisti 22-vjeçar, të konfirmuar si një nga më të mirët në botë në rolin e tij, konfirmon më së miri ambiciet e klubit.
Nuk mungoi as një postim i Interit, klub në të cilin Hakimi luajti dhe fitoi titullin kampion sezonin e fundit. Zikaltrit falënderuan marokenin për atë që dha këtë sezon dhe i uruan fat në eksperiencën e re me fanellën e PSG-së.
Kujtojmë që klubi zikaltër ishte i detyruar të shiste një nga futbollistët, për të rregulluar bilancet financiare dhe zgjodhi të sakrifikojë pikërisht marokenin, për faktin se ofertat në drejtim të tij ishin më joshëse e konkrete.
© SYRI.net
Tottenham gati të paguajë kartonin e Timo Werner
Një skuadër e tërë mund të largohet nga Juventus, plot 11 lojtarë me valixhet gati
Zi në botën e futbollit, ndahet nga jeta trajneri që shpalli Argjentinën kampione bote Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
