Rafaella Carra dhe Diego Armando Maradona kishin një të përbashkët. Ata ishin të aftë që ta bënin publikun që të ëndërronte. Ndoshta edhe për këtë arsye, rrugët e tyre ishin të destinuara që të bashkoheshin.
Në 1979 – Maradona e vlerësonte shumë Carra-në. Deri në pikën që të kalonte një natë në burg për të. Ishte vetëm 18 vjeç kur Diego u përpoq që të kalonte vijën e sigurisë në një event në Buenos Aires, për të dëgjuar Carra. Kjo e fundit e kujtonte shpeshherë këtë ngjarje.
Situata degjeneroi në disa momente dhe ishte e pashmangshme. “Ti nuk e di kush jam unë”, thoshte Maradona, i cili më pas kaloi një natë në burg. Kur Carra mori vesh për këtë incident, mori një fanellë të tij dhe i la një autograf.
Në Spanjë – Disa vite më vonë, Rafaella Cara shkoi në Madrid. Ajo nuk e kishte harruar atë djalin, i cili me kalimin e kohës ishte bërë një kampion. Carra, kumbara e një eventi, donte të nxirrte në ankand bluzën e Diegos.
E Maradona u paraqit menjëherë në hollin e hotelit për t’ia dorëzuar personalisht. Nga ai episod, lindi një miqësi e jashtëzakonshme. Diego me familjen e tij ndiqnin programin “Hola Rafaella”.
Miqësi e vërtetë – Edhe pas lamtumirës së Diego Maradonës në Itali, ata të dy mbanin lidhje me njëri-tjetrin. Donte që të kthehej në Itali që të këndonte me të në “Sanremo”, por Rafaella nuk ia këshillonte një gjë të tillë.
Kur ai u kthye në Itali për herë të parë, ai zgjodhi sërish atë, Rafaella, në një episod të paharrueshëm të “Carramba che sorpresa” në nëntor të vitit 1998.
E kur Maradona ndërroi jetë, Carra bëri një mesazh mjaft prekës në rrjetet sociale. “I dashur shoku im, vuaj shumë dhe lutem. Na le shumë shpejt. Të dua”, ishin fjalët e Rafaella-s.
© SYRI.net
Dortmund-PSG/ Mbyllet pjesa e parë, rezultati dhe statistikat
Dortmund ndez festën në 'Signa Iduna Park', Fullkrug ndëshkon PSG
Belgjika pa Thibaut Courtois në Euro 2024Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
