Një situate jo fortë e qetë te Kosova, në prag të sfidës miqësore ndaj Lituanisë. Portieri i dardanëve, Aro Muriç, u përjashtua nga ekipi përfaqësues ditën e djeshme, për shkak të disiplinës.
Nga Federata e Kosovës nuk u dha më shumë informacion, duke nxitur spekulime të shumta se ai ishte përleshur fizikisht me Edon Zhegrovën, e pastaj qarkulloi skenari se kishte shkuar i dehur në stërvitje.
Por një version të tillë të ngjarjeve e ka mohur Aro Muric, i cili për Insportin u shpreh se lajmi që ai ishte i dehur është një gënjeshtër e madhe.
“Nuk është e vërtetë, është gënjeshtër e madhe që kam qenë i dehur” – deklaroi Muriç.
Kujtojmë që, Edon Zhegrova mohoi ditën e djeshme lajmin për një zënkë mes tij dhe Muriç, duke e cilësuar një prej gazetave kosovare si antikombëtare dhe se me të do të përballet në gjykatë.
© SYRI.net
Bëje LIKE dhe merr lajmin e fundit nga Sporti: