Merr fund kalvari i gjatë i Ardian Ismajlit, i cili më në fund ka debutuar sot me fanellën e skuadrës së Speias.
Mbrojtësi i përfaqësueses shqiptare ka luajtur sot minutat e para të këtij sezoni në një ndeshje të Kupës së Italisë, në pritje që të japë kontributin e tij edhe në Serinë A.
Ndonëse firmosi në ditët e para të shtatorit me klubin italian, Ismajli fillimisht nuk mundi të aktivizohej me të për shkak se rezultoi i infektuar me COVID-19.
Më pas, ai u desh të kthehej në Kroaci për të mbyllur transferimin drejt Italisë, teksa ka kaluar rreth një muaj e gjysmë larg fushave të blerta.
Ai ka filluar stërvitjen me Spezian në javën e kaluar dhe trajneri i ka bërë një vend për pak minuta lojtarit shqiptar në ndeshjen e sotme ndaj Çitadelës në Kupën e Italisë.
Ismajli u aktivizua në minutën e 78-të të sfidës dhe detyra e tij ishte që në ato pak minuta të mbetura të ndihmonte ekipin të administronte rezultatin 2-0 të siguruar deri në ato momente.
Ndeshja mbaroi me ato shifra, duke siguruar kalimin e Specias në turin tjetër të Kupës së Italisë, ndërsa Ismajli u ndëshkua me karton të verdhë për një ndërhyrje të parregullt.
Për t’u theksuar është se portën e Çitadelës në këtë sfidë e mbrojti ish-portieri i Shpresave dhe Teutës, Elhan Kastrati.
© SYRI.net
Kombëtarja shqiptare e veteranëve miqësore me ekipin FC Kosova Schaerbeek në 26 maj në Bruksel
Osmani pas suksesit të Distrisë: Jashtëzakonisht krenare, në Paris, më e fortë se kurrë
Taremi kryen testet mjekësore, Interi kompleton dy goditjet e para në merkatoBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
