Ministri i Arsimit dhe Shkencës, Ramë Likaj, priti sot në takim ambasadorin e Austrisë në Kosovë, Christopf Weidinger, udhëheqësen e Zyrës së Agjencisë Austriake për Zhvillim (ADA) në Prishtinë Sandra Horina si dhe Albulena Zaimi Menaxhere e programeve të edukimit në ADA.
Ministri falënderoi ambasadorin Weidenger për mbështetjen e madhe që shteti austriak i ka dhënë Kosovës veçmas në fushën e Arsimit të Lartë dhe Arsimit dhe Aftësimit Profesional.
Tutje, u diskutua për progresin e deritanishëm dhe për aktivitetet e ardhshme.
Ambasadori i Austrisë në Kosovë, Christopf Weidinger, theksoi se Austria do të bashkëpunojë ngushtë dhe do të vazhdojë të mbështesë ngritjen e cilësisë të sistemit arsimor të Kosovës.
© SYRI.net