Derisa po kalojmë ditët më të ftohta të këtij dimri në mesin e janarit shumë qytetarë, sidomos kryeqytetas që jetojnë në banesat kolektive po përballen jo vetëm me acarin e madhe, por edhe me mungesën e ngrohjes, ujit e energjisë.
Pos këtyre probleme qytetarët po përballen edhe me mos mirëmbajtjen e rrugëve, shesheve e trotuareve nga dëbora duke rrezikuar ecjet mbi akullnaja.
Dihet se banorët e shumkatësheve në kryeqyendër thuajse të gjithë fatin e kanë të lidhur vetëm me Termokosin, ujësjellësin e KEDS-in, vazhdojnë të përballen me mungesë të ujit, ngrohjes e hera herave edhe rrymës edh enë ditët më të ftohta të dimrit të sivjetëm.
Ata duke ditur se nuk kanë rrugë dalje tjera, po vazhdojnë të mbesin duke pritur ardhjen e ujit, ngrohjes e rrymës e jo rrallë herë po harrojnë edhe qeshmet, ngrohëse e mjete tjera të hapura e të cilat kur po rikthehen shërbimet po u shkaktojnë telashe.
E nga ana tjetër thuajse me të njejtat halle po përballen edhe qytetarët që jetojnë në shtëpi, e të cilët ngrohen me drunj e mjete tjera.
E ata kontaktojnë shërbiet publike ujësjellësin, Termokosin e KEDS-in, Higjienën nga të cilat marrin si gjithnjë përgjigjet kemi prishje, së shpejti keni shërbimet por edhe shumë herë nuk përgjigjet askush.
Esati, banor i lagjes "Kodra e Diellit", blloqet e vjetra, regon për "Syri.net", se nga mbrëmë nuk kanë as ujë e as ngrohje.
"Kemi thirr me telefon në dispeqeritë e këtyre dy kompanive dhe kemi marr përgjigje "kemi prishje" dhe premtonin se nga mëngjesi se çdo gjë do të jetë Ok", thotë ky prishtinas!
Sipas tij, shpresat e tyre u shuan kur sot edhe pas mëngjesit e sot deri në këtë pasdite, apo në këto momente kur po i drejtohemi "Syri.net" (ora 16.00), as ngrohja e as uji nuk kanë ardhë!
Ai shtoi se është për tu habitur se si mu këtyre dy kompanive që kryejnë punë mjaft delikate, puna e tyre ose mos puna, që ka emrin pakujdesi, ka të bëjë me gjërat elemntare të jetës.
Aq më e habitshme kur mu këto dy kompani viteve të fundit kanë shfrytëzuar edhe përkrahjen buxhetore të asociacioneve të ndryshe të BE-së.
Derisa një banore nga lagjja Tasligje tregon se për disa orë nuk kanë as rrymë, pos mungesës së ujit e ngrohjes.
Ankesat për munges energjie ka gjithandej vendit e ku konsumatorët ankohen se në numrat e KEDS-it thuajse nuk lajmrohen asnjëherë.
Nga Termokosi, thanë për "Syri.net", se mungesa e ngrohjes në disa pjesë, ka ndodhur si shkak i ndërprerjes së ujit e energjisë dhe jo me fajin e tyre. Sipas tyre me ardhjen e ujit e rrymës, rikthehet shpejt edh engrohja.
E nga Ujësjellësi, tregojnë se uji është ndalë në disa zona për shkak të nivelit jashtëzakonisht të lartë të turbullirës në liqene dhe pamundësisë për të trajtuar atë.
Edhe nga KEDS-i tregojnë se si shkak i reshjeve e vërshimeve të fundit ka pasur prishje dhe se përkundër situatës me të cilën po ballafaqohet vendi, furnizimi vazhdon të jetë stabil për konsumatorët.
© SYRI.net