Përveç papërshtatshmërisë së saj, pjerrina me kalimin e kohës është dëmtuar, gjë që edhe më tepër pamundëson kalimin e lirë dhe pa pengesa të përdoruesve të karrocës, dhe jo vetëm.

Në anën tjetër, kohëve të fundit në sheshin e Prishtinës janë ndërtuar tri pjerrina paralelisht të cilat konsiderohen të mos jenë në vendin e duhur, duke qenë se rruga përmes tyre çon në ndërtesat pa lift dhe në daljet anash të cilat janë të bllokuara me shkallë.

Komuna e Prishtinës më 2016 kishte aprovuar Planin lokal të Veprimit, me të cilin përfshihen çështje të ndryshme për PAK, ndër to edhe qasshmëria. Prandaj, HANDIKOS inkurajon Drejtorinë e Urbanizmit për bashkëpunim dhe konsultim me personat me aftësi të kufizuara, si dhe organizatat për personat me aftësi të kufizuara gjatë planeve për ndërtimin e pjerrinave dhe trotuareve, që ato të realizohen aty ku duhet dhe siç duhet, në mënyrë që të jenë funksionale për të gjithë qytetarët.

Në ditët në vijim, HANDIKOS do të sjellë edhe raste të tjera të cilat pasqyrojnë pengesat dhe mos ofrimin e qasjes së plotë infrastrukturore për personat me aftësi të kufizuara në vendin tonë.