Kësisoj, këtë të mërkurë pritej të caktohej data e protestave të Policisë.

Por, një gjë e tillë është pezulluar përkohësisht.

Kjo pas premtimeve që u ka bërë Kryeministri Avdullah Hoti, për plotësim të kërkesave.

Këtë  e ka konfirmuar Shaban Tasholli nga Sindikata e Policisë së Kosovës.

“Sot kemi marrë premtime nga Kryeministri Hoti dhe jemi dakorduar që të realizohen kërkesat tona. Ne në fund të muajit do të bëjmë edhe një mbledhje për të vërtetuar realizimin e kërkesave tona”, ka thënë Tasholli për Infokus.

Kërkesat që kishin për këtë kohë Policia e Kosovës ishin shujtat ditore, pagesat prej 300 eurove, pagesat për ndërrim të natës dhe puna jashtë orarit.