Të gjithë nxënësit e nivelit parauniversitar janë të obliguar që të sigurojnë vetë maskat, të cilat do t’i mbajnë gjatë procesit mësimor. Këtë e ka përcaktuar Ministria e Arsimit përmes një udhëzuesi të cilin e ka nxjerrë ditë më parë.
E një veprim i tillë po konsiderohet joserioz nga anëtarë të Komisionit parlamentar për arsim dhe nga prindërit, transmeton KOHA.
Deputeti i Vetëvendosjes, Fitim Uka, thotë se është e pakuptueshme se si Qeveria i fton nxënësit të shkojnë në shkolla dhe i obligon t’i blejnë maskat. Me këtë, sipas tij, qeverisja aktuale po e dëshmon se nuk e ka prioritet arsimin.
Edhe kryetari i Këshillit të Prindërve, Ymret Reshiti, vlerëson se është e pakuptueshme që t’u lihet barrë familjeve sigurimi i maskave për fëmijët e tyre.
Të njëjtin shqetësim e ka ngritur edhe drejtori i Institutit të Kosovës për drejtësi, Ehat Miftaraj ku në një postim në Facebook ka shkruar se sigurimi i maskave të nxënësve është obligim i shtetit.
Ai ka thënë se është shqetësuese se si do ta përballojnë familjet që jetojnë me social e që nuk kanë të ardhura sigurimin e maskave për fëmijët e tyre.
Ministria e Arsimit dhe Shkencës në një përgjigje me shkrim ka theksuar se sipas udhëzuesit të përgjithshëm të MASH-it çdo nxënës duhet të ketë maskën personale, e cila përdoret gjatë gjithë kohës së qëndrimit në ambiente të shkollës.
Megjithatë, Ministria thotë se përpos maskave të siguruara nga Drejtoritë komunale, partnerët, donatorët dhe vetë shkollat, MASH-i dhe Qeveria kanë ndarë një pjesë të buxhetit për maska, mjete të tjera mbrojtëse dhe dezinfektues, ku shkollat do të kenë fond rezervë të tyre.
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
