Sekretari i Përgjithshëm i Partisë Socialiste, Damian Gjiknuri, është pyetur nga gazetarët për shtrimin e rrugëve në Tiranë dhe qytete të ndryshme, që po ndodh me ritme të shpejta para zgjedhjeve.
I ftuar në emisionin "Të Paekspozuarit" në MCN TV, Gjiknuri u përgjigj duke gjetur justifikimin, se zifti mund të shtrohet vetëm në këtë stinë sepse e prish shiu.
Pjesë nga biseda:
Ylli Rakipi: Zifti ka plasur keq gjithandej. Po dole në Tiranë...
Damian Gjiknuri: Tani është stina e ziftit Ylli…
Ylli Rakipi: Kush nuk ka lekë të pijë alkool, dalin jashtë dhe i "zë" zifti… Siç ka disa politikanë që i zë libri, ka dhe në opozitë....
Damian Gjiknuri: Ore ai bën punë aty…
Enton Abilekaj: Me taksat e mia punohet për të bërë propagandë. Ka tetë vjet kryetar bashkie, pse se ka shtruar rrugën ai?
Damian Gjiknuri: I erdhi radha pra.
Enton Abilekaj: Në fushatë elektorale? Është asfalt elektoral. Ky është vendi i betoniereve.
Damian Gjiknuri: Politikani punon për katër vjet për këtë.
Enton Abilekaj: E patë atë foton, ku ishte shtruar me shpejtësi dhe kishte mbetur një copëz ku ishte parkuar makina?
Ylli Rakipi: Këta e gjetën justifikimin, që zifti hidhet në pranverë...
Neritan Sejamini: Gjithë këto punë publike nuk kanë asnjë standard. Mënyra si bëhet shpejt e shpejt, nuk ka lidhje as me standardet. Ajo ngutje, hidh me lopatë…
Damian Gjiknuri: Ju do të gjeni kritikë për çdo gjë. Edhe kur bëri dasmë të mirë njëri, thanë bëri dasmë të mirë qeni…
Enton Abilekaj: Bën fushatë me paratë tona dhe thua mos me pyesni. Këto rrugë të qelbura i quani dasmë të mirë?
Damian Gjiknuri: Ti e ke botëkuptim që çdo gjë që bën qeveria është e keqe.
© SYRI.net
VIDEO/ Berisha: Për pronat e Olsit dhe klaneve të tij mafioze në bregdet, Rama çoi administratën për miting në Athinë
VIDEO/ Berisha: Klani mafioz i Arben Malokut ka vjedhur 40 milionë euro nga bashkia juaj. Dhe 50 të tjera nga famozët Qefalia
VIDEO/ Berisha: Don Agaçio, hajduti që bën dhurata 30-hektarësh, firmos mbi procedura të ndaluara me ligj vetëm e vetëm për të vjedhur
Denonco
Merrni lajmet më të fundit nga SYRI.net në çdo moment dhe kudo që të jeni!
