Për të kursyer karburant apo për të shmangur trafikun shumë qytetarë kanë zgjedhur të lëvizin me monopatina elektronike por kjo ka nxjerrë në pah shumë rreziqe. Për SYRI TV, specialisti i trafikut urban Gerhard Baka tregon se monopatinat elektrike janë kthyer në burim aksidentesh.
Nga SYRI TV
Shumica e përdoruesve të monopatinave janë të rinj, por edhe të mitur apo persona që nuk kanë leje drejtimi të cilët nuk e njohin kodin rrugor dhe sinjalistikën duke i ekspozuar ata drejt aksidenteve. Qytetarët shprehen të shqetësuar pasi këto mjete po përdoren masivisht edhe nga fëmijët.
Ndërkohë për SYRI TV, Gerhard Baka, specialist i trafikut në Komisariatin Rrugor Tiranë thotë se Kodi Rrugor nuk e parashikon ndëshkimin e shkeljeve që vijnë nga këto mjete elektrike, e për pasojë për policinë rrugore nuk ka bazë ligjore për të vendosur masa administrative apo penale dhe mjaftohet vetëm me këshillime.
Megjithëse monopatinat janë bërë masive në përdorim drejtoria e përgjithshme e shërbimit të transportit rrugor nuk ka bërë ende një klasifikim për t’i quajtur këto mjete elektronike motorike apo mjete çiklistike, por do të hartojë një plan për lidhur me kategorizimin e këtyre mjeteve
Në rrugë, në korsitë dedikuar biçikletave, por sidomos në sheshe e parqe publike, monopatinat janë kthyer në mjetin e preferuar të të rinjve. Atë mund ta marrë kushdo pa pasur nevojë për leje qarkullimi dhe të lëvizë në çdo hapësirë publike, pasi asnjë rregull nuk ekziston në Kodin Rrugor për përdorimin e këtij mjeti edhe pse elektrik dhe me shpejtësi në qytet pothuajse të njëjtë me atë të lejuar për makinat.
© SYRI.net
SYRI TV/ Ngërci burokratik mban në burg të amnistuarit, familjarët apel nga burgu i Fushë Krujës
Olsi te Xibraka dhe faktet e Bardhit/ Boçi: Sjellja e SPAK interesante
SPAK i vjen në ndihmë për Olsin, Rama çthur gojën për Gazment Bardhin
Denonco
Merrni lajmet më të fundit nga SYRI.net në çdo moment dhe kudo që të jeni!
