Partia Socialiste certifikoi farsën e saj zgjedhore.
Edi Rama ka caktuar kryetarët e degëve të PS në 61 bashkitë e vendit.
Pas mbledhjes së Kryesisë, Bledi Klosi, kryetar i Komisionit të Posaçëm Zgjedhor, lexoi emrat e kryetarëve të degëve.
Në Tiranë, Edi Rama ka emëruar kryetar dege të Partisë Socialiste, kryebashkiakun Erion Veliaj.
Kujtojmë, që si Veliaj ashtu edhe 60 kryetarët e tjerë të degëve të PS, nuk janë votuar nga anëtarësia, por janë të emëruar nga Edi Rama.
Partia Socialiste ka vite që nuk bën zgjedhje brenda vetes.
Procesi i ashtuquajtur i riorganizimit ishte një farsë fund e krye, pasi anëtarësia legjitime socialiste, me të drejtë vote, u zëvendësua nga një komision i përzgjedhur nga Edi Rama. Ishte ky komision që caktoi se kush do të jetë kryetari i degës së PS në qytetin përkatës.
Pra, nuk kemi të bëjmë me votë, por me farsë.
Kryetarët e rinj të degëve të PS nuk janë të zgjedhur, por të emëruar me urdhër të Edi Ramës.
© SYRI.net