Berisha në krye të PD, Bylykbashi: Vota e lirë përcaktoi kush do drejtojë selinë blu

21:02, 26/05/2022

Deputeti demokrat Oerd Bylykbashi komentoi në emisionin ‘Çim Peka Live’ në Syri Tv zgjedhjen e Sali Berishës në krye të Partisë Demokratike.

Bylykbashi u shpreh se vota e 44 mijë anëtarëve të PD përcaktoi kush do ta drejtojë selinë blu.

Ndër të tjera Oerd Bylykbashi njoftoi do të garojë për nënkryetar të Partisë Demokratike ndërsa shtoi se të shtunën mblidhet Këshilli Kombëtar për të zgjedhur Kryesinë e PD.

“Vota përcaktoi kush të drejtojë PD-në. Jo votë çfardo, 44 mijë anëtarë të PD, maksimumet e atyre që kanë votuar në gjithë këto palë zgjedhje që kemi bërë, edhe kur Basha pretendonte se kaq kishin marrë pjesë në votim. Mbyllet një kapitull i rëndësishëm në lidershipin e PD.

Të shtunën mblidhet Këshilli Kombëtar për Kryesinë e PD dhe më tej. Dallim i madh nga ajo që bëri Basha në kundërshtim të statutit, për të emëruar. Jam unë ai që e ndaj tha, ju ratifikoni me votë të hapur.

Nga këtu ecim përpara me votë. Do kandidoj për një nga funksionet në Kryesinë e PD.”-tha Bylykbashi.

© SYRI.net

Lexo edhe:

• SYRI TV/ Ngërci burokratik mban në burg të amnistuarit, familjarët apel nga burgu i Fushë Krujës
• Olsi te Xibraka dhe faktet e Bardhit/ Boçi: Sjellja e SPAK interesante
• SPAK i vjen në ndihmë për Olsin, Rama çthur gojën për Gazment Bardhin